影片
更多
2013-11-25
607 浏览
话说早几个礼拜楼下帮衬开呢档街头小食舖既老板，突然讲话会休息两个礼拜装修。当时我都打个突，心谂装修都好既，舖面望落会整洁啲舒服嘛。点知过左个几礼拜都无咩动静，差啲以为佢唔做，少咗档咁多香港街头小食既档口会好可惜架嘛。最后过左两个几星期，见到远处有档新开张，门口放晒花牌祝贺。再望真啲卖啲咩同班伙记系咩人，发觉原来系系街头小食呢档搬左舖位。第一时间，梗系买番个炸蚝饼，止下瘾先。其实寻日中午𠮶餐先食完生蚝嚟，今晚再食蚝仔。一个贵，一个平，但都同样好味。美味，真系可以好简单。呢期啲蚝仔好鬼肥，望见到流口水。老板「蚝饼专家」话啲蚝仔呢期「当造」㖞。今次叫左老板帮我加啲碎芫茜一齐炸。蚝、芫茜、葱花几种都系带有腥味既食材，炸完加上胡椒粉，真系香到街尾都闻得到。正常老板炸啲蚝饼系炸完先加芫茜的，但我觉得加埋一齐炸会有多阵清甜味，正！由于未食晚饭，今次加左几串串烧。唔知系咪街头本身有档都卖串烧有竞争，感觉上依家好似大串咗，幸好价钱不变。所以话，有竞争，先有进步。当然，最开心嘅梗系消费者啦。除此之外，可以挑剔下嘅就系，好多时佢啲串烧已经系烧好咗放喺度，好处当然系客人可以快啲买到唔驶等咁耐，但唔好嘅系，翻烧
其实寻日中午𠮶餐先食完生蚝嚟，今晚再食蚝仔。一个贵，一个平，但都同样好味。美味，真系可以好简单。
呢期啲蚝仔好鬼肥，望见到流口水。老板「蚝饼专家」话啲蚝仔呢期「当造」㖞。今次叫左老板帮我加啲碎芫茜一齐炸。蚝、芫茜、葱花几种都系带有腥味既食材，炸完加上胡椒粉，真系香到街尾都闻得到。正常老板炸啲蚝饼系炸完先加芫茜的，但我觉得加埋一齐炸会有多阵清甜味，正！
由于未食晚饭，今次加左几串串烧。唔知系咪街头本身有档都卖串烧有竞争，感觉上依家好似大串咗，幸好价钱不变。所以话，有竞争，先有进步。当然，最开心嘅梗系消费者啦。除此之外，可以挑剔下嘅就系，好多时佢啲串烧已经系烧好咗放喺度，好处当然系客人可以快啲买到唔驶等咁耐，但唔好嘅系，翻烧的话啲肉质有时会干身咗少少，比著我就宁愿等耐啲嘞。仲有，我个人较喜欢啲肉唔好腌得太重盐，否则会盖过咗本身肉味同沙嗲味整体上就会缺少咗份鲜味了。
张贴
