四季煲仔飯

营业中

休息中

天气开始凉凉地，又系煲仔饭出场嘅时间🔥庙街一向比我有一种龙蛇混杂嘅感觉，喺呢度食煲仔饭，感觉特别地道🌾今晚都要排下队，等左15分钟，就入左去👍🏻❤️咸蛋肉片汤 $38同行朋友话今日好热气。。如果唔系佢热气，我一定叫个鸭蛋蚝饼食下，不过见佢成口生晒飞滋，算啦。。咁当然要下一下火啦！汤入面好多白菜仔，对于重口味嘅我黎讲，呢个汤都好够味！咸蛋黄用汤匙"界开"，漏油嘅。。见到咸蛋黄嘅橙色由放喺汤嘅上面，加少少胡椒粉，惹味！❤️腊肠排骨饭 $47好细个已经有一个知道边个教我习惯，相信好多人都会。。就系煲仔饭一黎到，首先要从打开个盖，在牲畜打两个圈落老抽，再琴返个盖焗大约10分钟!咁样做的确会令饭焦多一啲，腊肠都算值得一赞，咁嘅价钱，呢条腊肠都算系唔太多肥猪肉，排骨入味！饭有煲仔嘅香气，饭焦唔算太㶶，啱啱好！❤️腐乳通菜 $17腐乳通菜都系一贯水准啦！只系一啖里面唔可以沾太多腐乳，如果唔系真系会好咸架！**温馨提示:如果第一次来呢度食煲仔饭，要记住呢度系唔提供饮品架！饮品要自己出去买，如果唔止一个人黎呢度食饭，想节省时间，可以一个人出去买嘢饮，另一个人继续喺度排队，咁就快靓正！✨