極上帝王水產

营业中

休息中

好耐冇食过放题，昨晚约埋3个朋友一齐聚一聚吹吹水既最好选择就系食放题啦！就大家近番屋企，所以最好既地点就系旺角啦！兆万出左名多放题餐厅，今次就拣左9楼既《极上帝王水产》！旺角首间有日式、泰式、西式既餐厅，地方唔算太大，全部都系tick 纸点餐，有成16张纸食物有好多种类，有刺身、炸物、沙律🥗前菜等等，饮品都有成10几款，仲有啤酒🍻任饮！大家放左工都肚饿了，首round当然系叫刺身啦，摆盘摆得好有心思，每款都点d , 挪威厚切三文鱼、象拔蚌刺身、荣螺片、北海道带子刺身、希灵鱼刺身、珍宝赤虾刺身总共有成10多款刺身任身，所有刺身都好鲜甜，好爽脆香甜，所以我地叫左2round! 寿司就点左黑松露珍宝带子寿司，好香浓黑松露既味道配埋带子一齐食十分match! 及牛油果🥑软壳蟹卷，因寿司有饭太饱肚，不敢叫太多！之后食天妇罗🍤，有巨海老、南瓜、一口薯同BB露笋，热辣辣炸得好松脆，炸粉唔会太多！到食炉端烧：香草烧羊架、日本蕃薯仔、盐烧牛舌，好香脆同香口，口感一流！到食星空炸物；日本芝麻鸡翼、至爱既榴莲炸弹、炸虾饼、朱古力心太软；全部都热辣辣登场，要好小心咁食，内里系流心状态，榴莲炸弹超好味冇得输！😋