熊貓甜品屋 (已結業)

晚饭后黎一个甜品，先算完美的一天。同一班朋友仔食完晚餐，个个都话要食甜品，于是去了朋友推介的熊猫甜品店，一到步已经见到超巨型熊猫系门外欢迎你。内部装修以白色为主，感觉好干净，而且有好多熊猫装饰，之后发现餐具都全部系熊猫，好有心意呀！钟意熊猫嘅朋友一定要去潮圣！甜品种类超多，中式，西式，特色甜品都有，总有一款岩口味。我系门外已经决定一定要试榴梿班戟，一黎到已经好香榴梿味，切开一半，入面超多榴梿肉，啖啖榴梿味，而个皮系班兰味，好夹，再加个雪糕球，呢个价钱确实抵食。友人点了杨枝金露豆腐花，满满芒果毫不逊色，芒果汁亦好香芒果味，豆腐花超滑，再加少少寒天，有咬口。友人话好好食。另外叫了老板娘推介的熊猫杯，多款配类自选，见有椰皇果冻，出面都好少有，一于试下，黎到个卖相已经好吸引，师父应该落咗唔少心机。再试下个椰皇果冻，超清甜，好似饮紧椰皇水咁，再加上好似粒粒鱼子咁嘅什果味爆爆珠，好似有唔同生果味一齐系个口入面，感觉好新鲜，细问下原来椰皇果冻系用天然椰皇水做，所以系超清甜，好似去咗泰国咁呀！总结: 一间不论装修，餐具，甜品都咁用心去做嘅餐厅，真心推介，希望老板娘继续保持，我地会再黎探下熊猫们架！