花見月 (已結業)

大约12点零入座，花见月分为餐厅内同外两个部份，餐牌都会有唔同。系出面既大部份系乌冬，比较少贵便刺身，而餐厅入面既就系拉面、定食之类。今日我地去左餐厅入面去食，入面既装修好靓，落地大玻璃可以将出面既景睇得清清楚楚。餐牌设计都好靓，以橙、白、黑为主，而且表示都好清楚。我地2人叫左2个set，一个系拉面、一个系刺身，同样都有配菜。大大碗，而且猪软骨多、仲有溏心蛋，猪软骨汤底味道好浓~ 面系比较粗既微曲面。而我就叫左刺身，刺身份量唔算多，但胜在食材高质，有超鲜味既海胆、甜甜既三文鱼、同埋清甜既帆立贝，加上大大只虾。价钱都系$108，所以都算系几抵食！总结，如果黎到科学园想食日式野，可以选择呢度呢。