梨滿園韓國料理

营业中

休息中

难得放假 去咗科学园接屋企人收工 顺便喺附近食饭 再次黎到梨满园食韩国烧肉放题 呢度有别于出面嘅韩国烧肉放题 呢度嘅烧肉比较少腌味 全部都系简单原材料食嘅味道 食嘅系本身肉同海鲜嘅真味 我哋今日就主攻牛肉同海鲜 尤其以牛仔骨同埋虾最为好味 牛仔骨腌过肉质软淋唔会Un 而虾就超大只 肉质爽弹鲜甜 我哋不停Encore 除咗烧肉之外呢度都会有刺身同寿司 三文鱼刺身比预期中新鲜同靓Tim 另外我哋都叫咗啲炸物 个炸浆够味又够脆 食落唔会太油腻 不论炸鱿鱼定炸鱼定炸豆腐都好好味 另外呢度嘅清洁度算系唔错 唔会好似出面好多烧肉店都会有黐立立嘅感觉 呢度坐位舒服干净企理 食完烧肉出面仲有雪糕任食Tim 当日就有绿茶 曲奇同埋芝麻味三种口味 维记出味 另外饮品种类选择都多 有茶 汽水同埋啤酒等等