影片
更多
2024-05-20
653 浏览
《Parc88 - 沙田科学园》前排母亲节只系全家人一齐食咗饭，但系按照每年嘅传统，我都会私下约妈咪去食返餐代替送礼物🤫今年都唔例外，我就带咗佢去科学园𠮶边嘅餐厅食饭，因为有同事介绍呢边嘅中菜set几抵食，所以就嚟咗会所1号旗下嘅餐厅 Parc88 试吓佢哋嘅套餐啦😬餐厅平时做婚宴为主，所以佢嘅环境同装修都十分梦幻，仲有大大块落地玻璃窗边，可以望到出边花园嘅环境，都几chill架😉如果冇婚宴嘅时候都会有开放做午市同晚市比Walk in客，除咗套餐之外，佢哋仲有做点心添，食物嘅款式同种类都算几多㗎💁🏻♀️法式焗蟹盖套餐 套餐系以人头计嘅，如果有Club Dining会员的话套餐仲有七折添🤓套餐方面都几多嘢食，有四式前菜、汤、四款主菜同埋甜品，食完都几饱㗎💁🏻♀️前菜🔹葱油海蜇头🔹松露糖心蛋🔹太白醉鸡🔹四喜烤麸四色前菜嘅摆盘用咗细细嘅圆碟装住，再用一个木盘盛载，睇落好colorful同埋好吸睛，葱油海蜇头爽口弹牙，口味清新而又带点酸酸嘅醋味，松露糖心蛋落咗松露酱，食落香口但系比较淡味少少，而太白醉鸡食落都好香滑，有少少酒香但系又唔会抢过咗鸡味，食落清新，最后嘅四喜烤麸系最浓味嘅一款小食，烤
前排母亲节只系全家人一齐食咗饭，但系按照每年嘅传统，我都会私下约妈咪去食返餐代替送礼物🤫今年都唔例外，我就带咗佢去科学园𠮶边嘅餐厅食饭，因为有同事介绍呢边嘅中菜set几抵食，所以就嚟咗会所1号旗下嘅餐厅 Parc88 试吓佢哋嘅套餐啦😬餐厅平时做婚宴为主，所以佢嘅环境同装修都十分梦幻，仲有大大块落地玻璃窗边，可以望到出边花园嘅环境，都几chill架😉如果冇婚宴嘅时候都会有开放做午市同晚市比Walk in客，除咗套餐之外，佢哋仲有做点心添，食物嘅款式同种类都算几多㗎
💁🏻♀️法式焗蟹盖套餐
套餐系以人头计嘅，如果有Club Dining会员的话套餐仲有七折添🤓套餐方面都几多嘢食，有四式前菜、汤、四款主菜同埋甜品，食完都几饱㗎
💁🏻♀️前菜
🔹葱油海蜇头🔹松露糖心蛋🔹太白醉鸡🔹四喜烤麸四色前菜嘅摆盘用咗细细嘅圆碟装住，再用一个木盘盛载，睇落好colorful同埋好吸睛，葱油海蜇头爽口弹牙，口味清新而又带点酸酸嘅醋味，松露糖心蛋落咗松露酱，食落香口但系比较淡味少少，而太白醉鸡食落都好香滑，有少少酒香但系又唔会抢过咗鸡味，食落清新，最后嘅四喜烤麸系最浓味嘅一款小食，烤麸嗦咗酱汁之后胀卜卜，食落甜甜地十分开胃
💁🏻♀️汤品 佛跳墙
呢个佛跳墙就劲啦，大大件鲍鱼放咗喺面，而入面系装住咗鸡汤、螺肉、干瑶柱等食材，全部都已经煮到腍晒，鸡汤清甜，饮完个暖笠笠好舒服
💁🏻♀️主菜
🔹法式焗蟹盖
首先第一道菜就系呢个餐嘅重头戏，法式焗蟹盖，唔好睇佢细细件好少嘢咁，其实入面让左洋葱、带子、蟹肉同埋忌廉等嘅食材，上面再用火枪烧焦，微微有阵炭火味，食完之后都几满足㗎，我个人觉得蟹味唔算好出，但系佢嘅忌廉好滑，个酱汁同带子蟹肉嘅食材好配合
🔹橙香烩鸭
呢一道菜式比较较上偏西方，鸭肉肉质都几嫩滑，配上橙味嘅酱汁，酸酸甜甜好开胃🍊而旁边嘅沙律都落咗黑醋汁调味，成道菜都系香甜嘅感觉，食完都唔会太漏
🔹米水鲜竹浸翡翠
而下一道菜式系汤浸菠菜，呢一道菜式比较清啲，但系个汤其实几好饮😋有少少腐竹嘅豆香，用嚟浸完菠菜之后仲可以当汤饮添，仲食到杞子同埋白果，食完浓味嘅菜式再食呢个菜刚刚好
🔹香草忌廉天使面
最后嘅主食竟然系香草忌廉天使面，呢一个配搭都几新鲜😎天使面十分挂汁，入面有青椒、洋葱等嘅食材，成个面都系好Creamy嘅白汁，所以食完嘅感觉都几饱㗎
💁🏻♀️甜品 生磨蛋白杏仁茶
最后嘅最后，甜品系我钟意嘅蛋白杏仁茶🤓质地唔会太浓稠，入面有不少蛋白碎，饮落香滑而且充满杏仁味，作为甜品收尾就最好不过啦
张贴
