影片
更多
2021-01-25
95 浏览
今日入咗科学园行吓，见呢间 cafe 有欧多牙又有 1664 饮，就坐低 chill 吓，餐厅有好多外藉人士帮衬，感觉苏豪。WM 特式肠并盘，并盘一共有五款香肠咁多，分别系迷你牛仔肠、迷你司华力肠、直布罗陀肠、纽伦堡肠同美式黑椒肠，迷你牛仔肠同美式黑椒肠最好食，我特登较咗我至爱嘅 tabasco 沟茄汁嚟点啲香肠，送啤酒一流，再加上 60 蚊一个 set 有成五款，我觉得认真超值。WM 全天侯早餐配牛油多士，呢个 signature all day 有太阳蛋、烤蕃茄、猪肉肠、烟肉、磨菇、茄汁焗豆同埋粟米，落完单先发现仲可以加6蚊加烟三文鱼添，蚀咗，太阳蛋有两只，我攞咗其中一只嚟夹块牛油多士，咬爆啲蛋浆流落块多士度呢个情景相当治愈，如果有埋烟三文鱼做配搭我相信会更加好味。食完嘢攞埋支啤酒行出海皮吹吓海风，实属人生一大快事。
今日入咗科学园行吓，见呢间 cafe 有欧多牙又有 1664 饮，就坐低 chill 吓，餐厅有好多外藉人士帮衬，感觉苏豪。
WM 特式肠并盘，并盘一共有五款香肠咁多，分别系迷你牛仔肠、迷你司华力肠、直布罗陀肠、纽伦堡肠同美式黑椒肠，迷你牛仔肠同美式黑椒肠最好食，我特登较咗我至爱嘅 tabasco 沟茄汁嚟点啲香肠，送啤酒一流，再加上 60 蚊一个 set 有成五款，我觉得认真超值。
WM 全天侯早餐配牛油多士，呢个 signature all day 有太阳蛋、烤蕃茄、猪肉肠、烟肉、磨菇、茄汁焗豆同埋粟米，落完单先发现仲可以加6蚊加烟三文鱼添，蚀咗，太阳蛋有两只，我攞咗其中一只嚟夹块牛油多士，咬爆啲蛋浆流落块多士度呢个情景相当治愈，如果有埋烟三文鱼做配搭我相信会更加好味。
食完嘢攞埋支啤酒行出海皮吹吓海风，实属人生一大快事。
张贴
