WM Café & Bar (科學園) (已搬遷) 新店位置

今日有公事所以去咗科学园， 因为工作嘅时间长所以喺科学园度食埋嘢，见到有 WM cafe ， 早几个月前喺大埔都试过呢间餐厅， 当时食物质素唔错，所以今次都喺度食。 另有户外座位。下午时间有lunch set选择午餐加10蚊有餐汤和多士， 是日餐汤系磨菇忌廉汤，个汤几 creamy, 有菇香。意式香草鸡肉扁意粉配料有芦笋，车厘茄，鸡肉 。意粉好香意大利香草酱既味(pesto sauce)， 几清新。至尊虾堡原本想试吉列猪扒汉堡， 但店员话吉列猪扒卖晒， 转咗做虾堡， 所以我都试下， 虾堡系用咗三只吉列炸虾做成， 有少少千岛酱，番茄，生菜。 吉列虾炸得都几脆，入面都几爽口。 我系第一次食虾堡， 感觉都几特别。纽约芝士蛋糕跟餐加18蚊有是日甜品， 个蛋糕芝士味都几重， 甜度都适中， 唔会好漏。