影片
更多
2013-01-15
52 浏览
第二次黎到Kindergarten既原因系为左庆祝好友生日...同埋重温Iced Chocolate (我承认后者先系重点)第一次去既时候已经做好功课，知道要Book位，点知要成个月后先有位所以我今次早左成个月Book定位，又估唔到佢话下一个礼拜就有....不过算啦，有得食就得 由于Book左位，唔使等就有位坐事实上系个半钟头内我俩亲眼望到唔少walk-in既人碰门钉... (此为后话)我地坐长台既对角位，一来唔会好似坐对面咁迫，二来又唔似坐对面咁远，讲野都要比较大声先听到亦有可能系当时唔太满座先可以咁奢侈咁坐叫完野饮，等左15-20分钟，有野食啦～～～首先系High Tea Set，Book位既时候已经reserve左由于友人未食过，我同佢食多一次，所以我已经第二次食上碟时，WOW 个架好靓，我钟意先由最底层开始：我觉得最好食既竟然系最简单既芝腿脆多可能自己比较钟意甜点，个人觉得冇咩特别....强烈建议大家唔使怕丑，直接用手拎黎食，因为面包烘到好脆，用叉有机会严重解体....非常狼狈中间个层，亦系最爱个层 ：焦糖炖蛋（大大大大推）：蛋香+脆脆的焦糖，水准之作提子松饼（推介）：香而松
系为左庆祝好友生日...同埋重温Iced Chocolate (我承认后者先系重点)
第一次去既时候已经做好功课，知道要Book位，点知要成个月后先有位
所以我今次早左成个月Book定位，又估唔到佢话下一个礼拜就有....
不过算啦，有得食就得
由于Book左位，唔使等就有位坐
事实上系个半钟头内我俩亲眼望到唔少walk-in既人碰门钉... (此为后话)
我地坐长台既对角位，一来唔会好似坐对面咁迫，二来又唔似坐对面咁远，讲野都要比较大声先听到
亦有可能系当时唔太满座先可以咁奢侈咁坐
叫完野饮，等左15-20分钟，有野食啦～～～首先系High Tea Set，Book位既时候已经reserve左
由于友人未食过，我同佢食多一次，所以我已经第二次食
上碟时，WOW 个架好靓，我钟意
先由最底层开始：
我觉得最好食既竟然系最简单既芝腿脆多可能自己比较钟意甜点，个人觉得冇咩特别....
强烈建议大家唔使怕丑，直接用手拎黎食，因为面包烘到好脆，用叉有机会严重解体....非常狼狈
中间个层，亦系最爱个层 ：
焦糖炖蛋（大大大大推）：蛋香+脆脆的焦糖，水准之作提子松饼（推介）：香而松软，加上strawberry jam，正!!
最高个层：
心型朱古力酥：外型十分讨好，味道普普通通，值得一赞系酥皮食完冇好沈重既感觉士多啤梨吉士挞：OK，唔错，甜度适中，不过不失
最后到Iced Chocolate:
一直以黎我都揾唔到一杯可以深得我心既Iced Chocolate虽然Godiva既Dark Chocolate Smoothie都唔错，但系饮到一半已经太滞唔想饮，而且佢始终系沙冰，难逃饮到一半已经冇咩味既致命伤..
而呢度既Iced Chocolate正正就冇以上既问题，浓浓既朱古力味，不太甜，仲有雪糕食...$36 绝对系超超超超超值!!
总括黎讲，呢度系一个同朋友坐低倾下计既地方
第一次黎既不妨试下个High Tea Set，会再黎
题外话/补充资料：
系我地食紧野期间，应该有差唔多20个人入黎想坐，但系前几批都仲可以Book到3:30, 再迟黎既都冇得食lu :(
即使有位坐，甚至有人坐低左，一律no way
所以强烈建议大家Book左位先黎食....
呢一个应该都系佢地对食物质量既一个坚持吧 :)
(以上食记乃用户个人意见 , 并不代表OpenRice之观点。)
张贴
