金龍冰室 (已結業)

前几日同屋企人喺大围金龙冰室开餐。门口一本厚厚嘅餐牌放喺架上供客人参考外， 仲用粉笔喺两块黑木板上介绍下午茶/晚餐及是日晚餐。几十蚊一个餐，价钱贴地。晚上六点半未到，已座无虚席。餐厅以粉蓝色同白色为主色，装修简单，整齐干净，感觉舒服。餐厅食物款式多样， 有小食、厨师推介、下午茶餐、美式铁板餐， 百搭自选推介餐、焗饭/意粉、奄列、意式风情精选套餐加餐汤及饮品等等。总有一款啱你心水！猪扒包加炒蛋冰室同茶餐厅嘅猪扒包即叫即做好新鲜，水准非常高。刚烘好嘅猪扒包松软微脆，猪扒肉质稔而不腻，加上沙拉酱同新鲜生菜，有口感。加六蚊点多个炒滑蛋，配搭唔错唔错。蚝油生菜(走油)均衡饮食要有蔬菜，点咗碟蚝油生菜。走咗油嘅生菜更加健康，但完全无令碟菜失色，仍然保持翠绿爽甜。蚝油分开上，点吾点我话事，值得赞。咖哩厚切吉列猪柳饭见到隔离碟碟饭量十足，为免浪费，要求少饭。比手掌还要大嘅厚切猪柳炸到金黄酥脆，肉质鲜嫩无骨。加上秘制咖哩酱汁，啖啖白饭都食到好浓嘅咖哩味。 呢度嘅咖哩汁同出面果啲唔同，多一份香浓味。 Latte鲜奶咖啡加热奶餐后饮番杯香滑热饮，饱饱的满足嗮。亲民嘅价钱有咁嘅质素，已难得。加上侍应态度好，见