影片
更多
2023-04-18
407 浏览
周不时都会喺翠怡花园揾食，今次经过又开咗啲新嘅食肆。大埔津记车仔面，门口绿色大窗框，铺纸皮石，望入去见到红A胶吊灯，就俾佢个装修吸引咗入去。怀旧香港大排档设计，贴上霓虹招牌墙纸，折枱圆櫈，不锈钢筷子筒。墙上挂有一块块写咗配料𩠌菜名嘅白色胶牌，任君选择。点𩠌纸种类多，超过三十几种，样样都吸引，最终我哋二人叫咗两碗五𩠌面，大家可以share啲𩠌试吓。千祈唔好错过摆喺枱面𠮶两只万寿无疆茶杯，因为里面系有辣菜脯同埋葱，可以按自己喜好加落车仔面。辣菜脯又真系几够香辣，原来系店主自己炒，而且仲将虾米切碎加入菜脯一齐炒，唔怪得咁香啦。◉五𩠌麻辣酱油面一上枱碗车仔面摆得好靓，而且份量十足，衬埋怀旧香港背景好夹，忍唔住打个咭先。秘制麻辣酱都系店主亲自炒，认真够晒麻够晒辣，虽然系叫咗中辣，但都觉已经超出平时预期，够晒刺激，啱晒钟意食辣嘅朋友。面底选择都唔少，仲可以转油菜底，唔知点解食亲车仔面总爱叫油面，黄色扁扁粗粗嘅面底，连埋麻辣汤底一齐大啖𠽌入口，好惹味。⦿猪红卤得非常入味，粒粒正方好滑有咬口，必点之选。⦿麻辣猪肠食车仔面最钟意点猪肠，猪肠洗得干净，有少少肥膏，偏厚身但炆得腍，肥美有嚼劲，麻辣惹味，份量
怀旧香港大排档设计，贴上霓虹招牌墙纸，折枱圆櫈，不锈钢筷子筒。墙上挂有一块块写咗配料𩠌菜名嘅白色胶牌，任君选择。
点𩠌纸种类多，超过三十几种，样样都吸引，最终我哋二人叫咗两碗五𩠌面，大家可以share啲𩠌试吓。
千祈唔好错过摆喺枱面𠮶两只万寿无疆茶杯，因为里面系有辣菜脯同埋葱，可以按自己喜好加落车仔面。辣菜脯又真系几够香辣，原来系店主自己炒，而且仲将虾米切碎加入菜脯一齐炒，唔怪得咁香啦。
五𩠌麻辣酱油面
18 浏览
0 赞好
0 留言
一上枱碗车仔面摆得好靓，而且份量十足，衬埋怀旧香港背景好夹，忍唔住打个咭先。秘制麻辣酱都系店主亲自炒，认真够晒麻够晒辣，虽然系叫咗中辣，但都觉已经超出平时预期，够晒刺激，啱晒钟意食辣嘅朋友。面底选择都唔少，仲可以转油菜底，唔知点解食亲车仔面总爱叫油面，黄色扁扁粗粗嘅面底，连埋麻辣汤底一齐大啖𠽌入口，好惹味。
⦿猪红卤得非常入味，粒粒正方好滑有咬口，必点之选。
⦿麻辣猪肠
食车仔面最钟意点猪肠，猪肠洗得干净，有少少肥膏，偏厚身但炆得腍，肥美有嚼劲，麻辣惹味，份量都多。
⦿咖喱鱼蛋
咖喱味浓，鱼蛋入味，爽口弹牙。
⦿柱候牛腩
牛腩焖得松软入味，唔系一般牛腩碎边位，系黐住筋膜嘅牛腩位置，啖啖肉。
⦿牛栢叶
爽脆口感，索晒啲麻辣汤汁最正。
五𩠌沙嗲酱伊面
15 浏览
0 赞好
0 留言
都系店主秘制嘅沙嗲酱，甜甜哋好浓郁，成碗铺满𩠌好足料，有芽菜底，伊面挂汤，再加埋辣菜脯同葱一齐食。
⦿猪红车仔面必点𩠌菜，想食多啲，所以重覆再点。
⦿卤水翼尖
翼尖都大只，卤得入味，唔会好咸，够腍但皮肉唔烂，轻轻一啜肉骨分离。
⦿南乳猪手
两嚿猪手大大件，南乳味香，焖得入味，猪手皮烟靭有质感，猪手肉够腍。
⦿卤水五花腩
卤水非常之入味，每一件都好软腍，肥瘦均匀。
⦿鱿鱼
非常爽口，嚼劲十足。
萝卜
31 浏览
0 赞好
0 留言
店主友善又细心，仲请我哋试吓萝卜，萝卜腍度控制得刚好，唔会煮得过火溶化，汤汁完全渗入萝卜，超清甜，多汁无渣，车仔面百搭之选。
◉饮品车仔面餐已包纸包饮品，冻柠茶、冻奶茶另加$14，够晒大杯，茶胆味浓。
通常出面啲车仔面，唔会每款𩠌菜都好味。我哋今次叫咗十样𩠌，平均每样水准都中上，样样都好入味，而且食完唔会觉得好颈渴想饮水。我觉得店主都对自己出品嘅车仔面信心十足。
#津记车仔面地址：大埔翠怡街3号翠怡花园地下13号舖
张贴
