Diletto (已結業)

放工之后约埋几个朋友去食好野，我地今次去左尖沙咀一间餐厅食fine dining 。呢间餐厅既装修好靓，入面加添左花园既元素。打开餐牌，见到佢有好多选择，由前菜、意大利饭、意粉、pizza，到主菜，包罗万有。点左菜之后，就上左呢盘餐包。前菜方面，我地叫左个炸蟹饼，蟹饼细细件，但一切开，入面全部都系新鲜既蟹肉，好足料！我地亦都点左个带子黑松露意大利饭。意大利饭又香又creamy，仲有大大粒既带子啊！主菜方面，有呢个澳洲安格斯肉眼牛排，5成熟既牛排好juicy，肉质嫩滑！仲有呢个海鲜pizza，入面有好多海鲜，超足料！