泰東

营业中

休息中

呢间舖一啲都唔起眼，平时踩单车落去元朗都系直冲落斜路完全唔会留意到有呢间餐厅，突然间有个邻居话呢度有煲仔饭好好食，就约埋一齐过嚟食。19:00入到去都唔系好多人，点知隔咗一阵已经爆场。都几正，一次过可以满足晒两个愿望煲仔饭同埋泰菜。先嚟咗个炭烧猪颈肉，真系烧烤嘅感觉。炭火味香浓，唔会太干，点埋个汁食好食到震。海南鸡叫咗个例牌，正常发挥都滑㗎。椰菜苗就觉得佢大棵咗少少，但系都好食嘅有镬气。另外去呢度啲炸嘢都唔错，个春卷都系新鲜热辣食到热气㗎感觉。好煲仔饭到啦，淋完豉油都系继续焗佢。虾干唔会太咸，另外排骨都有腌过。比起早几个星期喺大埔食𠮶个煲仔饭真系好好多。食到八八九九，有少少唔够喉就嗌多咗个炸皮蛋，都系有热气嘅感觉再加一点弹呀，最正系佢握得够实，炸完出嚟都唔会皮蛋同虾胶分离，呢餐真系好满足。