阿翁廚房 (已結業)

街坊价、街坊服务、街坊味道！好亲切呀，一定会再黎呢度！讲紧既系边度？就系阿翁厨房啦！舖头位于筲箕湾既一条小巷，邻近港铁筲箕湾站，方便易达上海野又点可以唔食小笼包呢？我地一叫就叫左八只，抵啲嘛，哈哈上汤小笼包小笼包好肥大，涨卜卜夹起好赘手，好多汤汁系入面！馅料好足，味道刚好，皮薄，一咬开啲汁流晒出黎，正！鲜肉锅贴另一样上海代表作就系窝贴啦！一样系皮薄馅靓！透出入面粉粉地色既猪肉。个皮煎到好脆，唔算好油。馅除猪肉外，仲有菜，味道唔错！四色拌盘-五香牛展较薄身，入味，五香味唔会太重。-葱油拌海蜇同平时食开既多左重葱香味，亦有油香味，海蜇好爽口。-香菜拌木耳木耳爽口，唔算辣，有少少麻。-上海熏鱼好特别，唔识形容个味道，食落甜甜地，咸咸地，个酱油好香，有食新年食物既感觉！几好食！熏鱼九黄炒鳝鱼好够镬气！热辣辣，好香！黄鳝肉系一旧旧，唔会好似其他地方食既得一条条丝甘少，啖啖肉！炒得好均匀，够味道！送饭一流！豆沙锅饼即叫即做！好脆口！饼皮唔会好厚，夹住甜甜既豆沙蓉！正！如开始所说，几中意呢间餐厅，抵食又有水准！好多食物都系餐厅自己调校同包，如生煎包、窝贴、小笼包等。支持！