名 料理 (已結業)

去左龙尾个新嘅人造沙滩，玩左成日。就系附近食埋野先番屋企。大尾督其实好多隐世嘅美食，要慢慢再发掘。今次就去左依间劲有特色嘅居酒屋。小店，系几间村屋地下咁打通黎做，好有住家feel.小店还小店，d 食材一d 都唔小野，拍得住出面d 高级日本餐厅，自家来货，飞机货。有户外，可以带狗黎开饭。冇狗又怕热可以入室内。menu 唔太多。不过好多时令野写系黑板，你自己去果日再睇下有冇野啱。先黎个五点刺身盛。有5 种野，好新鲜，全部飞机货。老板讲左d 名，人老唔太记得。个两只鱼好新鲜，好鲜甜。海担都好甜，唔臭唔苦。打卡一流。之后黎d 串烧鸡软骨，帆立贝，鱿鱼须正正常常。钟意食可以叫。全部新鲜烧，所以要等等川味烧茄子同平时果d 有小小唔同。冇平时果种重孜然五香粉嘅味。今次系重辣味，上面有d 炒肉碎。重川味。最后叫个吉列黑豚肉汤乌冬因为唔多够饱先叫。个肉，新鲜炸起，比平时d 猪肉味再重一d, 唔洗点调味。个面就正常，唔太浓味。放心，冇味精嘅。