影片
更多
2010-10-29
9 浏览
8月21日, 听闻呢一间台湾牛肉面好出名, 又好正宗. 加上佢开店位置喺好显眼嘅地方, 所以每一次经开铜锣湾都会讲句”下一次试佢先”~ 今日终于有个机会喇, 见门口都有少少人等紧位, 心谂咁受欢迎应该都冇死啦~ 经理望一望入面话有位wor, 好似好好彩咁… 点知系带我地2个人分开坐2张枱? Haha? 唔通呢度系快餐店? 搭枱我地唔介意, 但系分开搭枱同我自己一个人食有咩分别? 唔可以接受wor! 等咗一阵个经理先再俾过另一张枱我地, 但系服务已经扣晒分… 基本呢个安排真系无用脑啰！::: 招牌红烧牛肉面 ::: $43嚟到最主要目的都系试佢地嘅红烧牛肉面, 卖相真系麻麻地, 好大一层油呀, 喺台湾食过嘅牛肉面都系有好多油, 但油得黎系食到好香嘅香料味架… 呢度嘅只系似一层辣油, 唔算系香, 感觉有香料但系完全食唔出… 红烧牛肉份量唔多, 亦比较韧咗少少, 食完好黐牙… 而面条有咬劲, 但系真系一d都食唔出𠮶种台式牛肉面𠮶种香… 另外𠮶条菜不如唔好加, 既求其咬落又唔靓, 卤蛋亦如是, 好似摆咗好耐咁… 谂唔到边一样值$43大元…枱上面有张咭介绍牛肉面, 话到明自己d汤底有自然油光系重
::: 招牌红烧牛肉面 ::: $43
嚟到最主要目的都系试佢地嘅红烧牛肉面, 卖相真系麻麻地, 好大一层油呀, 喺台湾食过嘅牛肉面都系有好多油, 但油得黎系食到好香嘅香料味架… 呢度嘅只系似一层辣油, 唔算系香, 感觉有香料但系完全食唔出… 红烧牛肉份量唔多, 亦比较韧咗少少, 食完好黐牙… 而面条有咬劲, 但系真系一d都食唔出𠮶种台式牛肉面𠮶种香… 另外𠮶条菜不如唔好加, 既求其咬落又唔靓, 卤蛋亦如是, 好似摆咗好耐咁… 谂唔到边一样值$43大元…
枱上面有张咭介绍牛肉面, 话到明自己d汤底有自然油光系重口味, 但系我地喺台湾食过同样重口味嘅真系香同埋d面条索到味lor… 要少油嘅我就唔驶食台式牛肉面啦…
::: 程班长炸酱面 ::: $35
有d类似乌冬咁嘅面条, 不暖不冻, 又有d黐住一旧旧. 面头d炸酱味道几似肉燥, 咸中带甜, 当中混入咗不少肥肉… 整体味道一般, 最有印象系食完见到碗底嘅油淋淋… 真系好油! 只卤蛋好胶, 条菜都几硬… 碗野都算细碗, 但因为够油所以食完都漏到饱咗…
一致决定无下次! 卫生唔好得去边, 坐得又唔舒服, 服务差得嚟食物亦差, 价钱仲要系贵! 呢一位程班长考试完全肥佬, 没有重考嘅机会!
张贴
