坤記牛腩 (已結業)

坤记牛腩终于结业了。记得当年你开挡时我心里充满期望，好开心九龙区有间高水准嘅牛腩专门店。开店初期，食材质素高，不下于其他出名嘅XX牛腩。我都多次帮衬，柯打铺头最贵嘅净爽腩享用。可惜数年前一次外卖净爽腩，返屋企开盒发现啲牛腩完全唔系𠮶回事，竟然俾咗啲一般茶餐厅嘅擦胶牛腩，令我非常失望及愤怒。从此，坤记就放在我的黑名单上。一次不忠，百次不用。在疫情下你执笠我一点也不惊讶，市场力量系现实而残酷，希望你将来东山复出，可以引以为戒。另外，我提醒你的姐妹店联发不要掉以轻心。如果你唔明点解近年生意流失比同街嘅茶档，请留意一下服务员嘅态度。祝瓜得瓜，种豆得豆。