更多
2017-03-28
3804 浏览
食友早前嚟到光顾此小巷中嘅咖啡室小店,话佢哋啲咖啡颇出色,建议我不妨嚟试试,拖咗几个月,专登拉咗同样喜欢叹咖啡嘅亲友嚟Cafe Yawn聚一聚兼食餐晚饭。依条小街无嚟年多,似乎又多咗几家食肆。讲得喺小店,地方当然唔大,内里布置简约,黑白灰为主调,一列面壁嘅高枱,以及多组二人枱,有种彷佛希望客人喺人少少嚟悠闲聚一聚,尽量保持宁静嘅气氛。故此,虽然是夜都有几枱客,但环境确喺唔嘈杂,颇幽静。自助水吧、调味料吧喺唔少Cafe现行做法,减省人手招呼,自自在在,嚟得嘅客人相信亦无所谓。半自助形式嘅服务,所以先出去落单,再由店员送上。餐牌有两份,一份喺基本嘅散点菜式,一面食物、一面饮品,前者选择唔算好多,烤薯粒、意大利饭、汉堡、是日意粉、甜点……等等10数款,后者则主打咖啡,其次有热茶、果汁、沙冰,却连红白酒亦有,但啲餐酒唔知揾咩菜式嚟配合好!另一份自不然喺晚市套餐($78),主菜4拣1及,包一杯基本啡茶,可加钱升级其他饮品及加钱配指定甜品。 牛肝菌汁杂菌意大利饭意大利饭以小平底铁锅盛上,既保持饭粒嘅热度,又更逼出菌香,所以,个饭一上枱,确喺几香喷喷。饭粒煮得有水准,皆因入口湿润、咬口、有菌香,而且
意大利饭以小平底铁锅盛上,既保持饭粒嘅热度,又更逼出菌香,所以,个饭一上枱,确喺几香喷喷。饭粒煮得有水准,皆因入口湿润、咬口、有菌香,而且,内里混有唔少杂菌粒,够晒口感。
原本喺想试试个龙虾汁鲜虾宽蛋面,可惜话个汁底无晒货,缘悭一面,所以,改为一试个薄薄。对比起个意大利饭,薄饼嘅制作明显有种「迤」嘅感觉,批底犹如面包,唔脆亦唔喺软熟,口感比较干,加上批面只搽咗啲茄酱,再就咁放上火箭菜、烟三文、紫洋葱,唔喺话唔好食,但就无完全新鲜焗制薄饼嘅感觉,犹如一客烟三文意大利拖鞋包。
亲友赞杯咖啡拉得唔错,又话咖啡味香醇,但就唔喺好饮得出跟普通鲜奶咖啡嘅分别,仲讲笑咁讲,起码无阵意大利芝士饼味,只喺似乎有微微朱古力甜味,咁咪即喺变咗杯Mocha?
小弟嘅鲜奶咖啡拉得比亲友杯更靓,杯面唔会起泡粒,个心形对称兼线绞细致。而味道上,拖肥喺重味道嘅嘢,所以,一小口已好突出,又无过甜嘅感觉,好得。
点餐时时见得番一件,所以,就麻烦店员帮忙留起、后上。外观睇落真喺做得几靓仔,虽然无传统嘅做出咁多层,但清晰有层次,之但喺,味道与口感都唔合格,底层嘅海绵蛋糕干到不得了,上层嘅咖啡忌廉唔软滑,而面层嘅镜面朱古力,做得𫞠身,但已经干硬晒,相信喺就咁放晌饼柜抽干晒,严重处理失当,觉得嘥晒件饼!
对比起个歌剧院蛋糕,焦糖脆脆蛋糕嘅水准就完全谷底反弹,海绵蛋糕部份食得出松软有弹力,忌廉打得轻盈柔滑,又完全无油腻感;啲焦糖脆脆既脆口,又有焦香嘅蜜糖味,我哋大家都赞好食。
焦糖脆脆蛋糕
19 浏览
0 赞好
0 留言
张贴