影片
更多
2021-03-05
1736 浏览
只可以拣12张相🥲......新年期间嘅午市，我见到啲侍应疯狂收熟客嘅利是😆开头拣咗两个包，一个烟肉卷同埋似mono既包（我仲怪另一半：寻日先食完，做咩拣同一类嘅😑）佢仲驳咀话试下呢度既呢间系我第一次黎，佢唔系；又系叫一平一贵，佢加wine pairing。烟三文鱼卷山羊芝士我唔系几受到😂Parmeson cheese既咩咩咩唔记得呢三张餐前小食都还可以，最恐怖既系个人食完半个烟肉卷、另一个包一啖；三样送既餐前小食&两个餐既前菜（都系有鸭肝）三分一已饱饱滞滞咁，之后每样野都有试五分一或者四份一；整体感觉呢间嘅法国餐系好食嘅，但系佢系我试过系香港节奏最慢𠮶间。当然咁嘅节奏算正路，正常法国餐要更加慢。唔.........系要讲既话，佢系午市嘅香港黎讲佢系最慢既😂个人偏好：心急人同食完想快走。鸭肝好滞个下又系宿醉，呢餐食得唔舒服。我平个个豚蹄肉冻批加鸭肝贵个个两个都高质好味稳定嘅表现法国螯虾云吞，大只弹牙，包住好薄既皮（叫唔同餐；呢度无问我地系咪share，我地都无特别出声，因为我都系切一啖嚟试吓。但前日食mono,有啲我冇份嘅佢都会准备餐具俾我。呢度就系净系上佢𠮶份菜同餐具。如果系慢慢叹既
只可以拣12张相🥲......
新年期间嘅午市，我见到啲侍应疯狂收熟客嘅利是😆
开头拣咗两个包，一个烟肉卷同埋似mono既包（我仲怪另一半：寻日先食完，做咩拣同一类嘅😑）佢仲驳咀话试下呢度既
呢间系我第一次黎，佢唔系；又系叫一平一贵，佢加wine pairing。
烟三文鱼卷
山羊芝士我唔系几受到😂
Parmeson cheese既咩咩咩唔记得
呢三张餐前小食都还可以，最恐怖既系个人食完半个烟肉卷、另一个包一啖；三样送既餐前小食&两个餐既前菜（都系有鸭肝）三分一已饱饱滞滞咁，之后每样野都有试五分一或者四份一；整体感觉呢间嘅法国餐系好食嘅，但系佢系我试过系香港节奏最慢𠮶间。
当然咁嘅节奏算正路，正常法国餐要更加慢。唔.........系要讲既话，佢系午市嘅香港黎讲佢系最慢既😂
个人偏好：心急人同食完想快走。
鸭肝好滞个下又系宿醉，呢餐食得唔舒服。
我平个个豚蹄肉冻批加鸭肝
贵个个
两个都高质好味稳定嘅表现
法国螯虾云吞，大只弹牙，包住好薄既皮
（叫唔同餐；呢度无问我地系咪share，我地都无特别出声，因为我都系切一啖嚟试吓。但前日食mono,有啲我冇份嘅佢都会准备餐具俾我。呢度就系净系上佢𠮶份菜同餐具。如果系慢慢叹既出声要一定会安排既😂）
加钱要嘅蓝龙虾忌廉汤。都系正路发挥，浓同好味
（同行人讲佢都系最钟意Hugo‘s 既堂煮龙虾汤）
佢贵啲𠮶个餐嘅多宝鱼
滑，好味。 如果你要我讲呢间真系正正路路法国菜冇出事嘅；但系好仔细嘅口味真系唔知点讲😂
个人其实唔钟意呢啲高级野，（钟意川菜、快餐、两𩠌饭，唔同种类嘅饭盒：台湾便当、日本便当；去日本台湾最钟意食佢哋嘅便当😂😂😂😂😂😂）系而家无得去旅行开始逐间逐间咁试本地既&打食评系用黎hea时间
（写返俾人睇，真系多谢晒🙏🏼。每次拣嘢食，都睇好耐食评，大佬呀，有时食点心知道𠮶间可以两粒两粒咁样叫都好呀；或者知道佢嘅糯米鸡有沟咩红米嘅，或者知道佢哋上菜速度、手势、服务态度。味道唔同人有唔同嘅感觉；同埋有啲写到服务差同埋大家都指向某一种行为，我会觉得系真嘅。我睇到自称小编既就会觉得...........🤔，照片同菜名劲齐劲认真既；或者人地专做foodies个啲都系。我最钟意既系普普通通人写既我会比较信，同睇埋佢地过往写过既。😂。睇餐厅嘅食评，一定睇咗负评先：最差都系咁姐我接受到就去个种）
我平啲𠮶个鳕鱼，都系正常发挥，冇特别惊艳（同埋前菜后我都猛话好饱😂）
贵啲既餐既法国乳鸽，五成熟，我食咗一啖髀位，好香好鲜好好味👍🏻
佢个餐既甜品
咖啡
佢𠮶餐仲有第二个甜品，咩黑森林蛋糕
12点准时到，呢餐食到2:15分，喺香港法国餐来讲算系慢节奏，埋单$4052🥲。
我自己就唔钟意食到咁贵；我觉得叫平既午市套餐608三道菜就非常好。呢间仲唔会逼你要甜品（个人好憎食甜野）可以两个前菜一道主菜。
食到中间我已经话：呢间真系好，未试呢间之前我会常再去robuchon、petrus、mono，呢间都会放系常访既list(mono要相隔耐啲，有少少闷😂）
张贴
