影片
更多
2006-07-24
4 浏览
18/7/2006事因迟来o既欢送饭局,本见大家冇咩心水地方自己就私心谂住去食”港大校友”但居然反应返黎系怕有人唔识路,心谂”吓!唔系咁多村姑丫?”…..最后为免麻烦就一行十人去左呢树食,贪佢方便d环境舒服d方便倾下计八挂下,另食物应唔会太差,去到都系唔使点谂食咩,只要大家唔太怕煎炸野就简单得多生肠–虽然卖相都几恐怖,但入口照旧爽脆炒鲜奶配野鸡卷–鲜奶唔会太湿同油水准保持,野鸡卷因同台有朋友未食过当然要点,虽然都不错但都系感觉太肥腻间中一次半次冇所谓鸽松生菜包–写菜时讲明因每次都唔够生菜而要多d,小二话无理由唔够㖞最多帮你同厨房讲声,但最后都系一样唔够,好彩今次个肉松冇咁咸净食都冇问题煎藕饼–食落有马蹄但鱼肉太多而莲藕就要比d心机揾,整体似鱼饼多d霸王鸡–据小二讲话系新鲜鸡整先叫半只试下,食落都嫩滑有小小鸡味,但都系试过就算炸子鸡–另一招牌菜,虽然系冰鲜货但照样外皮脆而有肉味,必食黄金脆豆腐–即椒盐豆腐,上碟时见表面湿湿地,食落感觉古古怪怪,下次咪搅生炒凉瓜片–先前讲明唔好出水一定要生炒,黎到见到湿湿咁之后夹上黎见佢软淋淋心知应该出左水或有用汤/水煨过,食落虽重有小小爽同有苦瓜o既青草
事因迟来o既欢送饭局,本见大家冇咩心水地方自己就私心谂住去食”港大校友”但居然反应返黎系怕有人唔识路,心谂”吓!唔系咁多村姑丫?”…..最后为免麻烦就一行十人去左呢树食,贪佢方便d环境舒服d方便倾下计八挂下,另食物应唔会太差,去到都系唔使点谂食咩,只要大家唔太怕煎炸野就简单得多
生肠–虽然卖相都几恐怖,但入口照旧爽脆
炒鲜奶配野鸡卷–鲜奶唔会太湿同油水准保持,野鸡卷因同台有朋友未食过当然要点,虽然都不错但都系感觉太肥腻间中一次半次冇所谓
鸽松生菜包–写菜时讲明因每次都唔够生菜而要多d,小二话无理由唔够㖞最多帮你同厨房讲声,但最后都系一样唔够,好彩今次个肉松冇咁咸净食都冇问题
煎藕饼–食落有马蹄但鱼肉太多而莲藕就要比d心机揾,整体似鱼饼多d
霸王鸡–据小二讲话系新鲜鸡整先叫半只试下,食落都嫩滑有小小鸡味,但都系试过就算
炸子鸡–另一招牌菜,虽然系冰鲜货但照样外皮脆而有肉味,必食
黄金脆豆腐–即椒盐豆腐,上碟时见表面湿湿地,食落感觉古古怪怪,下次咪搅
生炒凉瓜片–先前讲明唔好出水一定要生炒,黎到见到湿湿咁之后夹上黎见佢软淋淋心知应该出左水或有用汤/水煨过,食落虽重有小小爽同有苦瓜o既青草味,真系下次要揾间听话d先得!
姜汁炒介兰–比唔食苦瓜o既朋友食,见条条翠绿应该o.k.食落始终唔够姜汁味
凤城炒饭–今次表面较湿但都唔会油淋淋食落都同平常差不多水准
焗西米布甸–另一主角,食落都唔错好香加上唔会太甜但好似唔见莲蓉o既???唔通间间都唔同?
芝麻糊–附送甜品,但似开粉多
埋单$1080,讲好食又唔系好有惊喜话差又唔系差只可以话稳稳阵阵,但服务方面真系有d问题特别d著晒黑衫o既部长真系似仇人多过乜,见佢上菜或执野果时完全唔会讲声叫人小心d另外最后清理时打泻晒d汁系转盘上抺都唔抺就上甜品,虽然到尾声姐但都要干净企理d好呱!
张贴