穴 (奧海城二期)

营业中

休息中

奥海城，虽然有地铁到，但系近几年都甚少过去果边。朋友今次约去果边食饭，都顺便行左一行，睇下有咩食。今次见到呢间穴，食评几好，外面望入去环境好似唔错，餐牌选择亦多，由前菜、刺身、沙律、串烧、炸物、卷物、寿司、渍饭、甜品等等都照顾到…就入去坐低，最钟意就系枱同枱之间隔得几好，唔会迫，兼且人多都唔会太嘈。得两条友，点到既食物唔太多，但MENU选择又多，花多眼乱，谂左好一阵先点到菜。章红鱼薄切黑松露带子﹕卖相好特别好靓，章红鱼面放带子，带子面又放甜虾、甜虾上面又有黑松露，仲有就系章红鱼面以海盐同麻油调味，带子、甜虾够鲜甜，以麻油盐调过既薄切章红鱼几特别，最抢镜既都系黑松露，满口松露香味，配搭有创意！ 什锦鱼生沙律﹕去食日本野，好多人都叫蟹子沙律、蕃茄沙律…我个人就钟意食鱼生，所以一般会叫鱼生沙律，过好多地方比既款式唔太多，兼且有渣。呢度既什锦鱼生都好多款…三文鱼、吞拿鱼、立鱼、鲭鱼、剑鱼、油甘鱼都见到有，而且份量多，无渣，温度够低，Very Nice. 黑松露甜虾卷﹕一上枱都几特别，以为系甜虾上面放黑松露，点知佢个甜虾又有搞作，似人地打虾胶咁张甜虾打成胶，再以少少类似蛋黄酱调过，再以松露点缀