究極堂 (永光中心)

营业中

休息中

今晚终于嚟咗朋友介绍嘅究极堂居酒屋。佢嘅鱼生创作料理非常之吸睛同美味。今日都叫咗几度佢哋嘅推介食物。🔝究极丼用上自己招牌嘅名做鱼生坊就知道一定唔会差得去边。配了有两只牡丹虾、海胆、三文鱼子、蟹膏、带子、三文鱼、火炙鲽鱼裙边 、鲷鱼。全部都系贵价材料。仲有佢加埋落去嘅酱油渍蛋黄同埋紫菜酱，真系超级好味。但系都系卖紧$218相当超值。🈵究极炎の丼另一款都系用咗自己招牌做名嘅究极炎の丼，就系火炙版本。呢个仲抵食，只系$138。虽然冇海胆、三文鱼子呢啲材料。但系火炙嘅碟鱼、带子海虾都好惹味。加埋蟹膏同埋一啲炸蒜粒系另外一个风味，完全唔似一个鱼生丼。💯究极海鲜杯另外呢一个海鲜杯就系必食，上边有金箔、黑鱼子、三文鱼子、拖罗蓉、蟹肉，下面居然系蜜柑啫喱，一咸一甜，咁原来个配搭又几OK啵。海胆右口鱼边虾卷另外仲叫咗个创作寿司，炙烧嘅右口鱼，上边有海胆下边系炸虾卷。一啖咬落去又有炸虾味又有海胆味仲有右口鱼嘅油香。果然系推介之选。其实佢哋炮台山分店都几好坐，多人仲可以订位有VIP房添。下次都可以约埋大班朋友嚟食嘢饮酒。