影片
更多
2008-02-06
5 浏览
我哋一向系食寿司的支持者，直到佢关o左西环铺去开上环铺之前，我哋一路有帮衬开。见佢开番西环间铺，我哋又好耐冇帮衬佢，所以上星期就走o左去食。我哋平日晚上七点几到，等左一阵间咁啱有人埋单，所以唔系等左好耐就有位喇！虽然现在间铺冇左回转带，但唔见得大左，因为佢用加多左已前o个种台凳，迫o左又唔好坐…坐轮椅的朋友都唔驶去lu！一坐低就俾左两杯有小小腥腥哋嘅绿茶俾我哋﹝好似系用绿茶粉开的…其实真系饮唔出系咪绿茶，不过见到个透明胶壶底有d好似绿绿黄黄嘅粉…就当佢系啦…同埋都唔知开左几耐同冲左几多次，因为个味似系“庄”过用茶粉开的茶的水壶，洗唔干净但又再加清水然后冲出来饮o个d水嘅味咁﹞唉！以前系一人一个茶包…今次主要都系叫番以前食开d野，又为左想睇吓佢有冇进步，我哋冒险叫o左一串炸鸡软骨试﹝因为佢以前d炸野系唔得嘅，油到爆炸但唔够脆﹞系等紧野食的时候，我就去倒豉油准备开餐，点知一倒出来，哗！又稀又浅色(可能仲浅过生抽)，一试发现冇左寿司豉油应有嘅咸味同香味…野食隔了一阵先到。件三文鱼寿司件鱼冇以前咁厚(成本上涨…冇问题，明白嘅)但个饭就好唔掂，虽然都知佢个饭一向都系用机整出来，一定冇真正手握咁好
见佢开番西环间铺，我哋又好耐冇帮衬佢，所以上星期就走o左去食。
我哋平日晚上七点几到，等左一阵间咁啱有人埋单，所以唔系等左好耐就有位喇！
虽然现在间铺冇左回转带，但唔见得大左，因为佢用加多左已前o个种台凳，迫o左又唔好坐…坐轮椅的朋友都唔驶去lu！
一坐低就俾左两杯有小小腥腥哋嘅绿茶俾我哋﹝好似系用绿茶粉开的…其实真系饮唔出系咪绿茶，不过见到个透明胶壶底有d好似绿绿黄黄嘅粉…就当佢系啦…同埋都唔知开左几耐同冲左几多次，因为个味似系“庄”过用茶粉开的茶的水壶，洗唔干净但又再加清水然后冲出来饮o个d水嘅味咁﹞唉！以前系一人一个茶包…
今次主要都系叫番以前食开d野，又为左想睇吓佢有冇进步，我哋冒险叫o左一串炸鸡软骨试﹝因为佢以前d炸野系唔得嘅，油到爆炸但唔够脆﹞
系等紧野食的时候，我就去倒豉油准备开餐，点知一倒出来，哗！又稀又浅色(可能仲浅过生抽)，一试发现冇左寿司豉油应有嘅咸味同香味…
野食隔了一阵先到。件三文鱼寿司件鱼冇以前咁厚(成本上涨…冇问题，明白嘅)但个饭就好唔掂，虽然都知佢个饭一向都系用机整出来，一定冇真正手握咁好味，但系今次个饭就似系雪过嘅冷饭咁硬，而后来的寿司d饭就唔再似冷饭，不过冇o左醋；串炸鸡软就不单只油，又韧又炸唔透，仲要见到d鸡皮﹝即系变o左黄色的白切鸡鸡皮，系唔脆嘅﹞。另外，手卷仲衰，d饭多到不得了，起码占o左手卷嘅三份之二，好似怕你食唔饱咁，仲有d野未完全解冻就上台，牛油果虾卷只虾超冻，仲见到有结冰，最搅笑系加州手卷里面嘅青瓜，唔好以为系蔬果就冇事呀，仲衰，雪烟了再来结冰！！！
最离谱就系间铺已经细，仲要叫三个客坐张系铺中间嘅二人台，讲真放左三只杯和豉油碟之后，我唔知仲可以放d乜，而第三个系要坐系个条1m都冇嘅全铺唯一一条走廊道，佢唔起身+行开就冇人行得过；门口个小姐(唔系老板娘)d态度又唔好，个小朋友入来问要等几耐，佢就黑面同细路讲野，仲串串哋咁问佢等唔等﹝不过佢都唔系特别黑呀细路面，因为我全程都未见过佢唔黑面(同佢d同事倾计除外﹞；其他d员工又唔小心，打翻豉油落个客件褛道，搅到人哋要立即攞过隔离干洗，虽然人哋大方话okay，佢哋又陪返干洗钱，但系大佬呀！天寒地冻冇左件褛，冷衬系咪问佢攞番睇医生钱先？
都知佢哋唔休做，但要揾钱都唔系咁嫁吗？
我哋好失望，佢就算减价，我哋以后都唔再去lu！
张贴