666泰船麵 (德輔道西) (已結業)

呢间野在西环一带好似都几出名，最近仲见到社交平面有推介，所以就心郁郁来试下。店铺环境不错，几有特色，但d位好窄，要预左好似平时茶记圆枱咁围埋坐折凳。牛肉船金边粉（＄42）食船面最紧要睇个汤底，老实讲个汤底唔系差，但唔系「好泰国」，比较似中式的味道，而且都可以再浓点。另外，猪油渣用料很一般。海南鸡饭（＄42）饭太淋、痴埋一旧，而且唔系好食得出系油饭，椰味、鸡汤味、炒底一律欠奉。但鸡都仲算滑，不过呢个所谓extra size既海南鸡饭，比金边粉还要细碗，抵食程度偏低。另加了3元叫左樽泰式奶茶，店铺一早整好雪定一樽樽，比平时饮开的泰式奶茶更加甜，下单前可三思。店员态度不错，上菜快，服务令人满意。