影片
更多
2021-03-21
2084 浏览
周六放工冇头绪食咩好，谂起早排同先生睇过苹果报导嘅美食推介，讲起呢间位于长沙湾嘅拉面小店，店主曾经专程去日本学师，仲介绍咗熬制拉面汤底嘅过程，非常吸引。虽然舖头地点唔算就脚，但都抵住大热天时专登过嚟食。嚟到铺头差唔多一点半，可惜发现原来由三月一号开始舖头将开店时间由十二点改咗做两点，我哋仲专登查过OpenRice以为佢十二点开门一定唔怕摸门钉⋯⋯一场嚟到，只好乖乖喺门外等，过咗一阵门口嘅人龙已经越嚟越长，睇嚟苹果嘅推介起咗作用。到店员出嚟处理人龙我哋先发觉原来入面只有八个座位，心入面即时好庆幸自己早咗嚟。店面虽然细，但俾人嘅感觉系舒服嘅，的确系有种日本小区嘅感觉。枱面放咗几款唔同嘅拉面调味料俾客人自己落，而且摆放整齐干净。食物方面选择唔算多，只有几款拉面、饭同小食，我谂店主一个人主理亦真系冇办法同时兼顾太多花款嘅食物，而且拉面呢家嘢从来都系贵精不贵多，好食嘅话一款已经可以打响名堂。套餐包主食、小食同饮品，价钱同出面净食一碗拉面差唔多，价钱非常贴地。先生拣嘅豚骨拉面味道好淡，老实讲系饮得出冇味精，汤底嘅口感亦带少少浓稠，但就系欠咗种日本拉面应有嘅浓郁风味，反而有种饮紧雪浓汤嘅感觉，味道比
嚟到铺头差唔多一点半，可惜发现原来由三月一号开始舖头将开店时间由十二点改咗做两点，我哋仲专登查过OpenRice以为佢十二点开门一定唔怕摸门钉⋯⋯一场嚟到，只好乖乖喺门外等，过咗一阵门口嘅人龙已经越嚟越长，睇嚟苹果嘅推介起咗作用。到店员出嚟处理人龙我哋先发觉原来入面只有八个座位，心入面即时好庆幸自己早咗嚟。
店面虽然细，但俾人嘅感觉系舒服嘅，的确系有种日本小区嘅感觉。
枱面放咗几款唔同嘅拉面调味料俾客人自己落，而且摆放整齐干净。
食物方面选择唔算多，只有几款拉面、饭同小食，我谂店主一个人主理亦真系冇办法同时兼顾太多花款嘅食物，而且拉面呢家嘢从来都系贵精不贵多，好食嘅话一款已经可以打响名堂。套餐包主食、小食同饮品，价钱同出面净食一碗拉面差唔多，价钱非常贴地。
博多元祖豚骨拉面
$58
39 浏览
0 赞好
0 留言
先生拣嘅豚骨拉面味道好淡，老实讲系饮得出冇味精，汤底嘅口感亦带少少浓稠，但就系欠咗种日本拉面应有嘅浓郁风味，反而有种饮紧雪浓汤嘅感觉，味道比较平淡。面底方面偏幼，但依然爽口弹牙，口感唔错。
樱花虾海老味噌拉面(套餐)
$95
20 浏览
1 赞好
0 留言
我嗌嘅樱花虾海老味噌汤头就比较浓郁，鲜味亦较突出，配上大量虾干同青葱，整体感觉都比豚骨拉面好，但仍然感觉汤头可以做得更浓郁。
樱花虾海老味噌拉面(套餐)
$95
12 浏览
0 赞好
0 留言
博多煎饺子(套餐)
$95
19 浏览
0 赞好
0 留言
套餐跟嘅煎饺子有四只，其实店主就喺我哋侧边煎饺子，见佢拎咗一盒现成嘅饺子出嚟即场煎，感觉其实同自己喺屋企煎嘅差唔多，味道方面不过不夫，而且仲比较细只，性价比唔高。
餐厅嘅拉面虽然冇想像中咁令人惊艳（又或者唔系人人都追求鲜浓嘅拉面汤底，喜欢淡口味嘅朋友仔或者会喜欢），但胜在价钱贴地，老板亦非常友善，炮制食物嘅同时不忘同食客致歉，担心大家久等，同时亦欣赏店主嘅用心，希望佢未来越做越好，不断进步。
张贴
