空海 (已結業)

旺角食肆多，但系大部分都系火锅放题，兴趣不大，途经广华街竟然见到呢间新餐厅用左一只蟹做装饰，这做法几吸引视线，亦都联想起日本既蟹道乐，钟意试新野既我地望完餐牌觉得价钱可以就决定试下。餐厅环境真系超级细，只有一大张长枱八个位，如果无订位可能要等位，我地去既时间尚早就唔使等，但有好大可能要同唔识既人搭枱一齐食。今次去到老板要兼做埋厨师和侍应，认真一脚踢，所以出菜要比点耐性。空海盛 $598/位前菜系樱花虾芝麻酱豆腐，豆腐很滑，搭配日式芝麻酱和樱花虾很开胃。蟹肉味增汤虽然只是简单的味增汤，不过每碗都放了蟹钳和蟹肉，蟹肉鲜甜，味道可以。松叶蟹脚刺身一只只已去壳的松叶蟹脚铺在冰上，蟹脚食落真的相当软滑，不添加任何酱料，更能食到蟹的鲜甜味。清酒煮蚬蚬壳和蚬肉的数量不成比例，蚬肉的数量有点少，酒味亦不够浓，较失望。松叶蟹膏甲罗烧即点即烧的甲罗烧，食落浓浓蟹膏味，味浓得黎很滋味，如可配上多士食加一流！海胆帆立贝松叶蟹肉丼饭同之后点既三色丼饭好相似，两者都有松叶蟹肉和海胆；海胆用上加拿大海胆，份量多，味道还好；最钟意就系蟹肉，蟹肉味浓，加点酱油拌饭已经好好食！三色丼定食 $198（包括前菜、蟹肉味增汤）