agnès b. le pain grillé (已結業)

7月2日近来钟意左食法国菜，见到杂志介绍agnes b的菜式好似好正，就同bf一齐去试试。我地只不过系早几日订位就订到，唔系人地话一个月。间餐厅环境气氛灯光不错，但每张枱就好贴，好似茶楼咁。个waitress都好有礼貌咁黎招呼，仲有recommendation，唔错，但佢话"今日chief的推介"，我争d爆笑，大佬呀！系chef唔系chief呀！我地点左两个龙虾汤，一个鹅肝同羊架。龙虾汤ok，但鹅肝好唔掂，皮同肝散开晒，又煎得唔脆。食鹅肝食到咁大旧，真系第一次，食落口一D都唔香，个卖相感觉好恐怖！羊架我顶唔顺佢太腥，面上铺左好多蒜及香草，开头唔知一放落口直头要吐出来，之后再切羊架食，唔怪得之要铺咁多蒜啦，原来腥到死！两味菜我都系食左少少，甜品都唔想食，空肚来空肚去，咁就跌左六旧水。