孖啡 (已結業)

今晚黎到呢间上楼Cafe 玩下Game，食晚饭吹水，一入到餐厅就觉得空间感够同座位几宽敞，Boardgame攞系门口附近，选择都好多，唔会怕闷。鲜茄芝士焗猪扒饭猪扒几juicy，几淋，唔会干身，酱汁酸甜度适中，面头芝士都几多，个饭做到粒粒分明。烟三文鱼意大利烘饱配薯条好中意个包烘得够脆身，配上柔软身烟三文鱼、青瓜、沙律菜同沙律酱食，估唔到几夹。跟餐包$38的饮品，拣左青苹果绿茶同蜜桃红茶。水牛城鸡翼一共有六只，个水牛城汁少少辣，好惹味。跟餐加$42叫左牛角窝夫伴雪糕，冰冻的云呢拿雪糕配以热辣辣又脆口的牛角窝夫食，无得输。好耐冇上呢啲Cafe边玩Board 边食，呢度唔错，多Game，啲职员又Nice。