影片
更多
2024-04-01
82 浏览
喺铜锣湾time square睇完戏，咁就顺便喺食通天11楼嘅响11食埋嘢晚餐先返屋企。餐厅入口首先见到处理生蚝同刺身嘅地方，之后就系餐厅嘅铁板烧区，跟住系pizza制作区（有个好大嘅炉）同埋Dry age 牛扒存放区，最后系酒吧区。一间餐厅入边有咁多嘅区域划分真系好少见！但系即使佢有咁多唔同嘅区域，比客人坐嘅座位空间感仍然好大，而且座位舒适。我哋两个人每人叫咗一个four course dinner set. 主菜，我哋一个拣咗红虾面，另一个拣咗肉眼扒。头盘-烟三文鱼凯撒沙律：烟三文鱼好油润，三文鱼经过烟熏后味道层次更加丰富。Salad入边嘅火腿碎好够咸香味。沙律菜新鲜爽脆。餐汤-南瓜汤：香浓棉滑，用料十足，味道香甜，热度十足。主菜-西班牙红虾手工面：手工面有弹性，唔会淋back back. 红虾肉质嫩滑，虾头位置好多软膏，虾味非常浓郁。手工面既酱汁亦都有浓浓嘅虾味。主菜-炭烧美国优质肉眼扒：我哋叫咗三成熟，厨师控制嘅火候啱晒我哋心意。食落有淡淡炭烧嘅香味。肉眼扒肉质嫩滑。下面嘅薯菜都唔错，薯饼入边有大大粒嘅薯粒，好有咬口。黄椒都好甜。甜品-甘笋蛋糕：甘笋蛋糕加埋清甜幼细甘笋蓉一
喺铜锣湾time square睇完戏，咁就顺便喺食通天11楼嘅响11食埋嘢晚餐先返屋企。
餐厅入口首先见到处理生蚝同刺身嘅地方，之后就系餐厅嘅铁板烧区，跟住系pizza制作区（有个好大嘅炉）同埋Dry age 牛扒存放区，最后系酒吧区。一间餐厅入边有咁多嘅区域划分真系好少见！但系即使佢有咁多唔同嘅区域，比客人坐嘅座位空间感仍然好大，而且座位舒适。
我哋两个人每人叫咗一个four course dinner set. 主菜，我哋一个拣咗红虾面，另一个拣咗肉眼扒。
头盘-烟三文鱼凯撒沙律：烟三文鱼好油润，三文鱼经过烟熏后味道层次更加丰富。Salad入边嘅火腿碎好够咸香味。沙律菜新鲜爽脆。
餐汤-南瓜汤：香浓棉滑，用料十足，味道香甜，热度十足。
主菜-西班牙红虾手工面：手工面有弹性，唔会淋back back. 红虾肉质嫩滑，虾头位置好多软膏，虾味非常浓郁。手工面既酱汁亦都有浓浓嘅虾味。
主菜-炭烧美国优质肉眼扒：我哋叫咗三成熟，厨师控制嘅火候啱晒我哋心意。食落有淡淡炭烧嘅香味。肉眼扒肉质嫩滑。下面嘅薯菜都唔错，薯饼入边有大大粒嘅薯粒，好有咬口。黄椒都好甜。
甜品-甘笋蛋糕：甘笋蛋糕加埋清甜幼细甘笋蓉一齐食，唔会太甜，有清新嘅感觉。
美味嘅菜式加侍应殷勤嘅招呼，令我享受了一个美好嘅晚上。
张贴
