影片
更多
2023-09-09
1188 浏览
如果有睇开我写嘢嘅朋友，都知道之前我去咗金钟太古广场嘅 wellwellwell食晚餐🍴，最近发现原来呢个地方仲有个充满神秘感非常特别嘅中菜体验👤餐厅叫「䭘」，印象中系初次认识「䭘」呢个字，意思正正系既有有得食又有景睇🏞️，系一个餐厅自己研发既字，但餐厅后来发现原来呢个字好耐好耐已经有⏳，系饱满既意思。除咗系一个私隐度极高嘅包厢之外🍽️，仲要系矜贵既每晚只限一席🕺🏻透过360度环回屏幕既视觉、味觉、听觉，带客人飞越时空， 返到宋朝，品尝传统手工菜， 细味宋朝流传落嚟嘅味道😋 ️🔸「开封府· 山海兜」系以大公无私既包大人为灵感，小兜内嘅材料有鲜菇🍄、竹笋、时蔬、龙虾肉等等，味道鲜味清清，碟上以3D雕琢嘅芋头包大人确系极为精致。️🔸相传宋高宗游西湖食到「宋嫂鱼蓉羹」🐟赞不绝口，自此呢度就成为杭州名菜。鱼羹系用咗笋丝、鲜菇丝、鲜鱼肉丝、芫荽炮制而成，先将鲜鱼开边后清蒸，再将鲜鱼肉与配料放系高汤煮滚。 鲜鱼肉鲜香诱人，相当喜欢呢个鱼羹～️🔸传说宋朝明将设宴招待宋高宗，「宋高宗·蟹酿橙」🦀🍊呢度菜式，正正系其中一道高宗激赏嘅菜式，成为南宋嘅宫廷菜，橙肉可以带出蟹肉嘅鲜甜，而呢度菜讲求烹调嘅手艺，橙中见到丝
餐厅叫「䭘」，印象中系初次认识「䭘」呢个字，意思正正系既有有得食又有景睇🏞️，系一个餐厅自己研发既字，但餐厅后来发现原来呢个字好耐好耐已经有⏳，系饱满既意思。
除咗系一个私隐度极高嘅包厢之外🍽️，仲要系矜贵既每晚只限一席🕺🏻
透过360度环回屏幕既视觉、味觉、听觉，带客人飞越时空， 返到宋朝，品尝传统手工菜， 细味宋朝流传落嚟嘅味道😋
️🔸「开封府· 山海兜」系以大公无私既包大人为灵感，小兜内嘅材料有鲜菇🍄、竹笋、时蔬、龙虾肉等等，味道鲜味清清，碟上以3D雕琢嘅芋头包大人确系极为精致。
️🔸相传宋高宗游西湖食到「宋嫂鱼蓉羹」🐟赞不绝口，自此呢度就成为杭州名菜。鱼羹系用咗笋丝、鲜菇丝、鲜鱼肉丝、芫荽炮制而成，先将鲜鱼开边后清蒸，再将鲜鱼肉与配料放系高汤煮滚。 鲜鱼肉鲜香诱人，相当喜欢呢个鱼羹～
️🔸传说宋朝明将设宴招待宋高宗，「宋高宗·蟹酿橙」🦀🍊呢度菜式，正正系其中一道高宗激赏嘅菜式，成为南宋嘅宫廷菜，橙肉可以带出蟹肉嘅鲜甜，而呢度菜讲求烹调嘅手艺，橙中见到丝丝嘅蟹肉，更加系不惜工本。
️🔸唐宋朝诗人都钟意饮酒🍶，而呢度「二十年陈花雕海上鲜」系以酒入馔，带出食材嘅灵魂，鱼肉扎实饱满，脆米更加系画龙点睛👁️
️🔸苏轼又名苏东坡，除咗系宋代大文豪，更加系一位美食家，精心钻研左红烧肉嘅最佳煮法🐖，每到新年，佢就就会将百姓送来嘅拜年猪肉切成小方块炆到香酥软烂再分俾百姓，期后就成为咗今日既「苏轼慢煮东坡肉」喇，油而不腻，满满嘅骨胶原，齿甲留香，个人认为系全晚做得最好既一道菜！
️🔸岳飞精忠报国，佢嘅战绩令外敌闻风丧胆🗡️ ❕大半生处身风烟四起既战场，呢道「岳飞将军熏烤全鹅」正正系为岳飞将军致敬，吃得出有一分独有既焦香。
️🔸宋朝嘅鲍鱼系咸鱼嘅意思，而真正名贵鲍鱼系叫鳆鱼； 油泼儿系宋朝系鲜鱼面嘅意思🍜，以鲍鱼配搭鲜鱼面亦即系呢道「祯州鳆鱼油泼儿」，一口鲍鱼外酥内软，加入酱油葱花🫙，层次非常丰富。
️🔸「酒香酥黄独· 送客汤」系表达送客嘅心意👋🏻，有令宴会更加圆满既意思。改良自宋朝甜品，䭘嘅做法系将芋头蓉加入酒香朱古力🍫，炸至酥脆；送客汤就系以甘草，莲子，蜂蜜冲泡🍯，清香解腻，圆满落幕。
价钱上系每位$1,299/ 8道菜，从各种细节，可见呢个怀古尝新宋朝盛宴绝对一丝不苟，有如一个欣赏艺术品嘅晚上🎨
张贴
