Burger Bar (已結業)

今日要过中环做D野，又同只佬行行下去左兰桂芳，见到间汉堡好似唔错 ~~ 就入左去喇 !! 哈哈 ~~ 野饮可能呢道系外国人区，冇太多选择 !! 对于我呢D唔饮啤酒既人 ... 只可以选汽水 !! 哈哈 ~~ 除左汉堡，当然仲有小食啦 ~~ 小食需要另外加 !! 不过可以加半份 ~~ 呢个好贴心呀 !! 好在叫左半份薯条 ~~ 原来都几多下 !! 薯条表面炸到好香脆 ~~ 不过薯味唔太够 ~~ 店主好贴心仲有一只碟仔俾你自己放茄汁添 ! 花多眼乱 ... 睇完都唔知食乜好 !! 最后选左个 CLASSIC，只佬就选左个 SPICY ONION LOVER。我果个系典型既汉堡，冇咩特别 !! 牛肉偏细但厚，牛味算够 ~ 入面配千岛汁有生菜同蕃茄仲有芝士 !! 味道唔错 ~~ 面包唔知系咪自制 !! 面粉味足够 ~~ 面既黑白芝麻简直系提升 !! 个底仲系脆添 ~~ 唔错 !!而只佬话 ... 辣太劲 ... 唔系佢杯茶 !! 但要赞下入面件洋葱好好食 !! 哈哈 ~~我地仲叫多左个小食 ~~ 炸尤鱼圈，呢个好好食 !! 尤鱼好新鲜同甜 ~~ 个炸酱唔厚，好脆 !! 呢个小食𩠌啤酒不得了 !