霸王山莊 (已結業)

Happy Friday Dinner 通常都系食日本嘢，但今日心血来潮好想食小笼包!突然间发现所在嘅商场竟然有间霸王山庄，我哋二话不说就走左入去。出奇哋星期五晚竟然唔驶等位，一入到去可以坐张四人枱。我哋叫咗前菜双拼(蒜泥白肉拼鸡丝粉皮)：佢秘制蒜泥酱好惹味，点咗酱嘅白肉加埋垫喺底嘅粉皮一齐食简直一流！鸡丝粉皮同样好食，但无咩特别。葱爆羊肉 - 味道唔错！唔算好油，唔算好咸，不过不失！黄金四季豆 - 谂住试吓新嘢唔食干扁啦，点知中伏。四季豆炒得唔够干身，蛋黄完全无味，认真麻麻！担担面 - 我哋点咗粗面，好弹牙真系估佢唔到，但汤底味道普通。小笼包 - 完本谂住点蟹粉小笼包，点知未有，唯有点返正常版。皮薄多汁，一个字好味！