WM咖啡廳

因为好突然咁想食自助餐，所以就17:30先打去book位，有位当然好开心啦！谂住就算唔好食，都系过个生日啫，无所谓啦！最后我真心系喜出望外的，性价比绝对高！先讲冷盘，有龙虾仔，面包蟹，长脚蟹，青口，翡翠螺，虾，重有即开生蚝，真系不得了，所有海鲜都劲新鲜，$588+10%，有汇丰或恒生卡重有9折，听说房客系有8折的， 呢个价钱绝对超值啦！刺身类就唔多，得三文鱼（超肥美）八爪鱼，希灵鱼，原壳甜虾，不过冷盘咁正，刺身就即时比下去了😅熟食都好多款式架，真心我挂住食嘢，所以无乜影相，但熟食质素都好ok, 特别系个意大利饭，好正，但因为太漏唔敢食太多！沙律吧都多选择，都有好几款沙律菜可以拣！甜品种类唔算多，特别蛋糕类，得几款，其实都系木糠布甸，牛奶奶冻果D, 但钟意食朱古力既朋友就一定要拎佢D朱古力食，佢两款朱古力真系甜而不漏，一款里面系榛子，另一款系软心黑朱古力！总之一句讲晒，呢间WM令我回味中🤤🤤