韓雅林 (已易手) 新餐厅

今日突然兴起想食韩国午餐，于是一家人又再次帮衬韩雅林。每个餐都唔平，要六十至七十蚊，不过包埋8碟前菜同甜品，都唔算唔抵食。前菜：(其实每次唔同)主菜1：炒猪肉饭用泡菜炒，唔算好辣，唔错。不过猪肉片较少，若可多几块肉片就好了。主菜2：炆牛肋骨煲呢个最正。牛肋骨炆得又够「林」又入味，萝卜「索」汁超正。以前叫牛肋骨炆栗子煲，依家无左栗子。主菜3：烧鲭鱼虽然卖相唔太吸引，但系鲭鱼烧得好Juicy好香！甜品：雪糕套餐包红枣茶、薏米水或雪糕。唔好以为送既雪糕唔好味，呢球曲奇雪糕非常重牛奶味，好好味！以前仲试过有咖啡、芒果等味道，都系一流！