Mini Club (已結業)

相信大家约会成日谂爆头去边到食，今次帮大家揾到间几有FEEL既酒吧。虽然我今次系同朋友去，但已经觉得个地方好适合拍拖约会。直入主题，我地分别叫咗3杯酒，系Honey Bee、What the Duck 同Sea Smile，卖相影相呃like无得输，我饮个杯系Honey Bee，有啲似奶昔，口感Creamy带少少蜜糖味，三杯酒味都唔算浓，适合女士容易入口。叫咗6只生蚝，3只Harty 同3只Gillardeau，3个人食啱啱好，Harty肉质肥美，而Gillardeau海水味浓，十分满足。熟食就点咗香烤蜜糖鸡翼，鸡肉好入味够滑。第二样系炭烧德国肠拼盘，有辣肉肠黑椒肉肠等，每条肠都有自己特色，可以每人每样食少少，三人食份量啱啱好。第三样系炭烧安格斯牛仔骨，牛肉味浓，焗薯好好食，薯仔好滑连芝士烟肉好夹。最后系甜品The Love of Eiffel，有马卡龙、朱古力、芝士蛋糕等，但我觉得重点系视觉，绝对系加分要数之一。总结，酒吧整体感觉气氛良好，系一个拍拖约会好去处。