影片
更多
2020-12-06
2749 浏览
同一个铺位，对上一次嚟大概都3年前嘅事，店家叫「Master Kama」，印象都几唔错，原来已经结业咗，感觉有啲可惜。今晚兴旧同学短聚食个晚饭，嚟到先知就喺呢个铺位，转咗手新店名叫「90s Lazy」，店主可能喺班90后，不过，搞得饮食，就应该唔会喺班偷懒嘅90后。上到餐厅前，楼下嘅门口位有啲防疫提示，作为负责任嘅人，当然做番足啦。此外，提一提，餐厅只收现金及PayMe，带唔够钱或无PayMe，就会出现无钱俾嘅尴尬情况。 踏进餐厅，分左右两边，感觉环境几好，一室以白色为主调，配以浅木色餐枱櫈，甚有日系嘅装修风。如果坐到近玻璃窗口位，附送街景。 餐牌都几大本，而且，食物嘅选择都几多，由沙律、小食、意粉、意饭、汉堡、主菜、甜品……以至到和各式饮品，如咖啡、奶昔、沙冰、有机茶、梳打、酒精饮品，都叫做一应俱全。 此外，晚市时段，有晚餐可拣，A-I共9款，定价$92-$268。不过，再细心睇睇，餐汤或沙律需+$20加配，几款指定热饮需+$4加配，其余特色饮品可以半价享用（唔包酒精类饮品）。而晚餐嘅9款主菜其实晌主餐牌都揾到，咁倒不如唔好咁复杂，凡晌主餐牌点主菜类，均可以加钱配汤、沙律、饮品咪仲简
上到餐厅前，楼下嘅门口位有啲防疫提示，作为负责任嘅人，当然做番足啦。此外，提一提，餐厅只收现金及PayMe，带唔够钱或无PayMe，就会出现无钱俾嘅尴尬情况。
踏进餐厅，分左右两边，感觉环境几好，一室以白色为主调，配以浅木色餐枱櫈，甚有日系嘅装修风。如果坐到近玻璃窗口位，附送街景。
餐牌都几大本，而且，食物嘅选择都几多，由沙律、小食、意粉、意饭、汉堡、主菜、甜品……以至到和各式饮品，如咖啡、奶昔、沙冰、有机茶、梳打、酒精饮品，都叫做一应俱全。
此外，晚市时段，有晚餐可拣，A-I共9款，定价$92-$268。不过，再细心睇睇，餐汤或沙律需+$20加配，几款指定热饮需+$4加配，其余特色饮品可以半价享用（唔包酒精类饮品）。而晚餐嘅9款主菜其实晌主餐牌都揾到，咁倒不如唔好咁复杂，凡晌主餐牌点主菜类，均可以加钱配汤、沙律、饮品咪仲简单得多。
是日餐汤 +$20初头谂住会唔会有啲特色嘅汤品，原来喺熟悉嘅罗宋汤，色泽深红，睇落都几对办。旧同学话味道几浓郁，酸香味十足，不过，明显有过咸嘅问题，所以，饮咗几啖就放弃。
是日沙律 +$20小弟就拣咗沙律，反而沙律有点点惊喜，虽然沙律都喺一般嘅田园沙律，沙律菜、车厘茄，再淋点油醋，但唔喺得𠮶细细兜，惊喜喺份量方面，再者，啲沙律菜够新鲜嘅话都唔输得去边。
E. 芦笋大虾黑松露意大利饭 $110主菜我就拣个意大利饭，因为可以真正睇到师傅做菜嘅功力，睇样真喺唔错，啲饭粒微微湿润，但卖过百嘅一道菜得一只大虾就感觉单薄少少，幸而，虾肉都爽口鲜甜。啲饭除咗食到意大利饭𠮶种烟韧感，黑松露嘅香气亦不俗，仲混有唔少野菌同芦笋，整体感觉唔错。
F. 明太子蟹肉忌廉汁意大利粉 $128疫情关系，我哋尽量各有各食，「些牙」就免喇。其实呢款有蟹肉我都钟意，不过，明太子就麻麻，而旧同学就因为有明太子所以拣佢，所以啦，食嘢人人口味不同，各花入各眼。佢赞个意粉做得好，意粉咬落柔韧，无过腍嘅问题，啲忌廉汁既香又绵滑，啱啱好包实晒啲意粉，当中嘅蟹肉算唔少，明太子就带出一份咸鲜味。
热柚子蜜 +$4天气有点干燥，所以，旧同学就要杯柚子蜜嚟润吓，现成货冲出嚟，都无咩太多评语喇。
鲜奶咖啡 +$20因为点咗甜点，所以，嗌杯鲜奶咖啡嚟衬。拉手嘅手势唔算好好，面面仲有好多泡，花纹未够细致及唔对称，不过，唔喺晌咖啡店就唔会太高要求。反正，入口都几醇香幼滑，都收货架啦。
法式窝夫配雪糕 $52窝夫都喺小件形式，配上云呢嗱雪糕（无其他口味）及忌廉，卖相就普普通通咁啦，而较失望喺啲窝夫唔热（暖都称唔上）又唔脆，忌廉都喺现成唧唧货，质感比较泻身，雪糕亦似喺普通货色，感觉整道甜品都喺hea做。
环境及服务都喺好嘅，觉得餐厅都喺有心做，老实讲，做咩都好，都要讲诚意同热诚，前者喺讲用唔用心，后者喺讲够唔够坚持。食物方面就仍有进步空间，相信再改善吓，出品嘅性价比应该可以更高。
张贴
