六十六十火鍋 (已結業)

又系开始打边炉嘅季节，食完一般嘅港式火锅又食完麻辣火锅，今次想食海鲜但系又怕好贵㖞，为食同事话我知深水埗区开咗间或一价钱有好多海鲜食嘅火锅店，佢讲到咁玄又话唔贵，我仲有乜理由唔去食呢。原来佢系每一位一个价钱$200或者$245，分别在于个锅底如果拣粥底或者蕃茄浓汤底就系$200位如果好似我咁想食多啲野就可以拣椰子文昌鸡汤底。另外饮品有鸿福堂支装或者罐装可以另外加钱。佢最好就系不设加一，又冇啲酱料费用，明码实价浆料都有好多可以自己拣嚟混合两个人食就有半只鸡，只鸡都几大只，我仲跟咗只清柠仔俾我哋加入去酱料到跟住就系想海鲜啦，佢有六种红色海鲜可以拣三款我哋拣咗鲍鱼，圣子王，同埋活鱼，活鱼今日系多宝鱼，估唔到又几大只㖞，平时去酒楼叫一只圣子皇，最少都要几十蚊，只原只鲍鱼都几大只㗎。鱿鱼都几大碟娃娃菜嘅份量就唔系咁多，两个人加埋只得一棵二人份量嘅美国肥牛肉，都几靓唔系出面跌好多肥膏嘅货色好大兜嘅蚝，虽然大约半只手指长但系都好鲜味其实佢总共前前后后会有15种食物俾你食到，分量觉得啱啱好，除非好大食啦，附近都系啲街坊起到帮衬，口碑似乎好唔错。