莆田 (已結業)

同屋企人周末食餐饭，就入左马鞍山试下间莆田。先叫左个精美四小拼，入面有九转小肠、虾苗拌头水紫菜、卤水嫩豆腐同埋水晶猪蹄冻。个小肠整到好多层，咬落厚实弹牙，亦都够味。紫菜就用醋腌过，酸爽得黎几开胃。豆腐够腍够入味，卤水香不俗。猪蹄冻就不过不失。而个莆田扁肉汤，就似浓厚嘅清汤伴住迷你燕饺咁，暖身又鲜美。一品醉蚶食落都唔觉腥，不过正因为可能蒜味太强，稍稍盖过醉蚶鲜味。莆田卤面就足料大锅，味道亦有层次，浓白卤汁同配料都互相衬托。大白菜炖软豆腐就系清甜之选，炖得软腍窝心。