甜家

营业中

休息中

甜家，我更喜欢称呼呢间铺头做甜家妈妈，因为呢度嘅甜品系出自一位心地善良嘅母亲。系西营盘住咗两年，每次想食糖水都会来到甜家。呢度无论系中式定西式糖水都有，而且种类都好多。甜家嘅豆腐花系做得唔错嘅，天气热嘅时候我就钟意食选择芒果红豆豆腐花。不过相比之下，我更喜欢呢度嘅中式糖水，尤其系陈皮红豆沙，煲得好绵又起沙，淡淡嘅陈皮香亦令到成碗糖水嘅味道升华，钟意嘅话仲可以加两粒花生或者芝麻汤丸。每次食完之后我都好有满足感。记得疫情之前，附近好多餐厅都因为各种原因都提早收铺嘅时候，有一次我11点落黎买糖水，我问甜家妈妈点解唔干脆都早啲，佢话无所谓，万一有人稳唔到地方食嘢，都可以来食糖水。仲有一次就系我部电话读唔到张sim card，当时又有急事，好彩经过甜家嘅时候佢地借佐sim card 针俾我解决左燃眉之急。