鐵牛台灣牛肉麵 (希爾頓大廈)

营业中

休息中

🥢 麻辣担担牛肉干拌面 担担酱汁麻辣味劲香，但又唔会呛喉，辣度啱啱好，重有浓郁嘅花生酱，同弹牙嘅面条好夹，非常之惹味👍🏻牛肉份量都几多，肉质软腍😋 🥢总舖厨师私房牛肉面 呢汤底浓郁，牛味十足，啲金钱键、牛肋条、牛筋同牛肚丝各有特色，尤其系牛筋，煮得好腍但又唔会溶晒，咬落仲带少少弹性，好满意😋 🥢盐酥鸡拼夜市小香肠 盐酥鸡炸得香脆干身，调味啱啱好，外脆内软，唔使点酱都好食；小香肠甜甜地噉，食完好似返咗去台湾夜市噉😁🥢麻辣鸭血 鸭血滑溜得嚟吸晒汤底嘅麻辣味，好入味，辣度同香气都几足，唔会太过油腻。作为配菜，绝对系一个好选择，推介俾钟意食麻辣嘅人！ 🥢南投县百香果QQ 呢杯饮品真系清新得嚟好有层次，百香果味香甜酸平衡得好好，啲QQ啫喱口感弹牙，饮落好过瘾，配搭咸辣嘅主菜，超解腻！ 🥢宜兰柑桔百佳柠檬蜜 呢杯饮品带有天然柑桔同柠檬嘅香气，酸酸甜甜，饮落觉得好refreshing，特别适合唔钟意太甜嘅人。