韓國錦城飯店 (已搬遷) 新店位置

这家店服务之差劣，令人发指。我们一行八人，被安排坐楼上房。当知道我们唔会食价钱较贵嘅烤肉之后，我地就受尽萎屈。因为未人齐，想叫一两样，边吃边等，人之常情。但一个似有无尚权威嘅超肥韩籍阿婶，讲了一大推沟通唔到嘅半咸不淡广东话，唔知佢噏乜嘅我地最后先估到，佢系闹我地咁多人，先叫一两样。唉！咩事啫，人未齐叫吖嘛。到后来，人齐真系要点菜，又被她闹我们点得太少，配菜只可以俾一份，硬要我地叫埋佢推介𠮶个菜，先配给我地两份配菜。唉！唉！呢啲咁嘅下栏配菜，唔使当宝呀嘛。朋友怕她落错单，重覆一次order。又俾佢鞋口鞋面咁闹:「听到，讲咁多次做乜。」哗！帮衬你仲要俾你屹，我地当堂O唒咀。呢个外籍其实一直笑住口面低声咒骂我地，不过我地全部系斯文人，EQ高，唔会俾佢影响心情。但呢种当客人嚟乞咁嘅服务态度，必须公诸于世。其实唔愤做，咪返乡下啰。韩国经济发展都好好，驶乜嚟呢度揾食。不过讲返转头，佢地咁嘅质素，系韩国应该揾唔到食。讲到尾呢个都系一个食评，点都要讲下啲嘢食。讲真用料下价，味道一般，去一次都嫌多。要食平过佢嘅，金巴利街，柯士甸路一带大把，重好食过佢。要食好食嘅，唔该去名家或者庄园啦。