車仔麵之家

营业中

休息中

周不时听同事介绍，喺附近有间车仔面好正，不过系无位坐大家柴娃娃企喺度食。平时一大班同事周围揾食的话，都无咩机会试到。话晒难得一齐Lunch，当然系想坐吓倾吓计，真系好难有人陪我立食。咁啱早几日假期连放好多同事都放假，公司得返连埋我三个同事，我就提议不如去买车仔面返黎食。去到时门口已经有一大班人，排队既人龙排到入去巷仔里面。虽然排队人数众多，都唔系等咗好耐就到我哋啦。叫咗碗萝白猪红冬菇咖哩鱿鱼油面少辣。碗车仔面上面既辣汁好杰，要捞一捞落汤先食。辣汁好香好惹味，食到我系咁出汗。萝白好清甜，一碗入面都有四五旧。咖哩鱿鱼虽然写到明系必食个个赞，不过我真系觉得无咩特别，有机会我期望太高。冬菇炆得好入味，必食！总括黎讲，呢间车仔面都几啱我口味，下次如果要一条友去食Lunch会想再返黎食/买返公司食，下次会想试吓佢哋个酸斋。