車仔麵之家

营业中

休息中

湾仔有一家立食车仔面系我最钟意食嘅，虽然企系度食有啲辛苦，同埋佢成日都排长龙， 但我久不久都会去帮趁。今日本来同家姐去high tea, 点知佢话斋食甜野好似唔够饱😅， 我见位处湾仔，于是就提议不如行落金钟站顺道可以去吃碗车仔面啰。系嚟度食车仔面必点油面底， 佢地嘅油面系近年我食过最有水准嘅， 配上浓浓嘅汤汁，挂满汤汁嘅面特别好食。酸斋亦系我嘅另一道私心推介， 佢地嘅酸斋比外面嘅硬身啲， 冇俾酸甜酱汁浸到腍哂， 所以食落好有质感。另外粉肠同猪大肠都清理得好干净，爽口好味。  落单时记得要多辣酱， 佢地嘅辣酱味道似沙茶沙爹酱多啲，香但唔会辣过头，👍。可能外间会有好多其他车仔面嘅好选择，但因为佢口味最合我， 所以不会作他选。