影片
更多
2014-01-08
997 浏览
朋友生日拣左呢度同佢庆祝, 贪佢有outdoor, 有气氛之余又有新鲜感....去到已经觉得好正, 出面有四个桭幕既屋仔, 全部大枱, 有三块大布可以拉埋挡风, 当晚虽然都几大风, 但又ok㖞, 果然又挡风既效用. 另外出面有for 4人坐既细枱, 呢啲就无得挡风, 如果冬天就会比较冻喇....我地order麻辣田鸡加皮蛋芫西汤底, 一向有食辣既呢铺瘾, 紧系要试下佢麻辣有无料到啦....麻辣田鸡个汤底好食, 超多花椒粒, 干辣椒, 唔算好多辣油, 但越食越刺激,反而比一啲专门食麻辣既火锅店更令我喜爱, 一黎够辣, 二黎唔会麻到令我口震, 三黎唔会太油, 我十分欣赏呢个麻辣锅...反而个皮蛋芫西汤底真系有啲求其, 太淡, 又无乜皮蛋芫西既香味, 搞到我地食菜先用下呢边咋!!!!火锅配料: - 黎到已经见到好靓, 肉既颜色同脂肪分布一睇已经知道系好野, 入口又淋又滑, 有新鲜牛肉味, 所以一碟都唔平架, 盛恵$298手打虾滑 - 新鲜弹牙, 呢度有加中芹同马蒂, 出面好似未食过会加呢两样, 但都几夹, 多左啲香味同爽既感觉手打四宝丸 - 虾丸, 牛肉丸, 墨鱼丸都新鲜弹牙, 唯独鲮鱼球又
去到已经觉得好正, 出面有四个桭幕既屋仔, 全部大枱, 有三块大布可以拉埋挡风,
当晚虽然都几大风, 但又ok㖞, 果然又挡风既效用. 另外出面有for 4人坐既细枱,
呢啲就无得挡风, 如果冬天就会比较冻喇....
我地order麻辣田鸡加皮蛋芫西汤底, 一向有食辣既呢铺瘾,
紧系要试下佢麻辣有无料到啦....
麻辣田鸡个汤底好食, 超多花椒粒, 干辣椒, 唔算好多辣油, 但越食越刺激,
反而比一啲专门食麻辣既火锅店更令我喜爱, 一黎够辣, 二黎唔会麻到令我口震,
三黎唔会太油, 我十分欣赏呢个麻辣锅...
反而个皮蛋芫西汤底真系有啲求其, 太淡, 又无乜皮蛋芫西既香味, 搞到我地食菜先用下呢边咋!!!!
火锅配料:
- 黎到已经见到好靓, 肉既颜色同脂肪分布一睇已经知道系好野,
入口又淋又滑, 有新鲜牛肉味, 所以一碟都唔平架, 盛恵$298
手打虾滑 - 新鲜弹牙, 呢度有加中芹同马蒂, 出面好似未食过会加呢两样, 但都几夹,
多左啲香味同爽既感觉
手打四宝丸 - 虾丸, 牛肉丸, 墨鱼丸都新鲜弹牙, 唯独鲮鱼球又腥又唔新鲜, 加左太多新皮好苦
燕饺 - 一食就知道唔系自己整, 只系工场攞既货, 完全无质素可言
鲜鱿- 唔够鲜味, 有少少腥, 仲要份量好少, 唔叫好过
杂菜- 叫杂菜比较抵食, 因为多款之余份量都多, 比起就咁叫一款菜会比较化算...
都算贵既火锅店, 无办法啦, 又the one又食环境, 价钱一定偏贵...
但食物质素都系新鲜有质素既, 而且环境舒适, 唔会好嘈,
有种似平时同朋友去outdoor饮野既感觉, 但仲可以打埋边炉tim㖞, 绝对系一个唔错既新体验!!!!!!
张贴
