花居酒屋 (已結業)

入到花居酒屋见到入边嘅设计好有日本特色，感觉好似去咗日本嘅居酒屋。食嘢方面，质素比预期好。首先，放海胆刺身嘅器皿好有特色，入口即溶同埋好有海胆嘅鲜味，而且又唔苦。另外，我哋亦都有叫三文鱼刺身，肉质鲜嫩而且美味。至于个鳗鱼手卷，入边仲有蛋，加埋系几好食。火炙三文鱼腩入口即溶，令人食完想再食多一件，系今餐我觉得最好味既一样日本料理。软壳蟹手卷炸得好均匀，入面嘅软壳蟹好大件，手卷里面仲包住左牛油果，上面铺了蟹子沙律作点缀，令到软壳蟹手卷有唔同层次嘅口感，美味而不腻。烧鸡泡鱼干唔系间间有得食，有得食都唔系一定好味，但系花居酒居整得好食，烧得唔干，可以保持肉汁，带有一点甜香。