花居酒屋 (已結業)

生日難得一聚，好開心今日朋友帶我嚟呢間食，一入到去好似去左日本咁，鋪頭裝修好靚，好有去旅行嘅感覺。因為仲有個朋友未到，係等緊佢嘅時候，嗌啲小食，個人同朋友都好中意食串燒，所以嗌左雞肉串食，味道正常！然後嗌埋燒茄子，味道ok，有加到少少芝麻，不過份量（如圖）就有啲小。如果份量可以大少少就好啦。同朋友見到大家推薦食玉子燒，所以就帶咗個鰻魚玉子燒，今次份量足夠，而且玉子燒個蛋做得好好，味道亦都好吸引，真心推薦大家食！最後嗌左鏝魚隻，個汁可以再多少少會更好！

荃灣有一間好有日本風情嘅居酒屋，裝修有令人置身日本嘅感覺，既然未去得旅行， 就食住日本嘢先啦！我哋首先叫咗個牛肉烏冬， 好快就上咗菜，非常有效率！啲烏冬好彈牙，分量又多，每一條都好煙韌，啲牛肉每一塊都好鮮嫩，而且有少少紅色，係半生熟嘅，唔會太熟，否則就會好晏硬！仲有幾條秋葵喺上面，非常新鮮！然後叫咗個軟殼蟹牛油果卷，同樣都係份量十足，切開有八嚿，每一嚿都好實淨，好軟熟壽司飯包住軟殼蟹，食落去熱熱地仲好脆口！牛油果同軟殼蟹嘅配搭簡直係一絕！ 然後叫咗一個明太子玉子燒， 送到嚟嘅時候仲係冒煙嘅 ，香噴噴，食落口 啲蛋非常之嫩滑！ 上面嗰層明太子鹹鹹地， 份量十足，簡直就係 一流享受！

今次搵到呢間午市買一送一🤩仲要星期一至日都有呢個優惠 究竟伏唔伏呢🚁環境幾靚 有日本居酒屋的感覺🇯🇵仲有除鞋位添☺️仲要唔多人(3成入位率) 唔會迫食物方面我一早諗左食壽司🙆🏻‍♀️🔻極上壽司定食🍣 ($158)呢個價錢有海膽、帆立貝、鰻魚 (仲要有半價！！)仲有我最鍾意嘅赤蝦😍成餐飯將心思放左係同朋友傾計😆 所以欠缺每一件細嘗Overall食落幾新鮮😋海膽唔係好濃味的高級野 合理嘅 飯都握得唔差😳 唔會硬晒一舊舊蒸蛋正常 食埋烏冬真係飽哂朋友點左牛扒🔻安格斯西冷牛扒定食🐮 ($148)我又係掛住傾計 無試到佢一塊肉🥲不過賣相都唔差 朋友都話唔錯由於唔多客人 我地食飽都傾多一陣先走 坐得舒服岩哂傾計🤪Staff態度亦好好👍🏻 會加茶 亦唔會趕你走咁款最後半價完 每人唔洗一百蚊半價但唔會將貨就價 超值❣️

第一次寫食評係因為呢間嘢真係差到我想同大家分享第一次嚟呢間食 簡直令我o哂咀叫咗兩個餐 一個係魚生海膽飯 一個去安格斯定食魚生海膽飯我已經上咗圖呢個海膽魚生飯剩係得一舊海膽 加埋切切埋埋都係得一舊帶子 再加埋啲薄過爭鮮嘅魚生片 成個飯應該叫雜錦刺身飯而唔係叫海膽魚生飯另外仲叫咗個安格斯定食 啲牛好渣 纖維勁多渣 不過我唔記得影相隨機附上佢送嘅生菜沙律 日本餐廳嘅生菜菌晒黑邊真係好少見 證明咗佢生菜係隔夜嘅仲要勁唔新鮮 仲要出晒水嗰啲不過成間舖頭嘅菜式都係冇圖片嘅 所以佢都唔算係欺騙大家早知就食樓上嘅麻辣世家今次嘅食評係咁多 下次再見

本人住喺荃灣，久聞呢間餐廳，收藏左喺Openrice favourite好耐，好想搵個機會去試試，但幾次經過walk-in都無位。終於早前有機會喺Openrice上見到周末夜晚有位，所以我早兩日就訂好了枱，叫埋家人喺另一區過來一齊去試呢間餐廳。1. 8月19日(星期四）於Openrice訂了4位，訂的時間是8月21日(星期六)晚上7點正。2. Openrice即日已給我email確認訂枱成功，此後再沒有任何消息。另Openrice在8月21日上午給我email提醒出席是次訂枱。3. 8月21日下午1點20分，此餐廳一名女職員打俾我，對話大約如下：職員(好似無野咁）：「今晚我地無枱喎，你改唔改8點半」我（驚訝)：「我Openrice book枱嗰時有架喎，點解會無枱架」職員(一副理所當然既語氣）：「我地尋日同事打俾你，因為你無聽我地既電話，張枱已經俾左其它人」我：「咁你即係overbook啦」職員（開始唔耐煩)：「Openrice個系統我地改唔到，咁我地係得咁多張枱，你改唔改8:30吖」我(氣憤)：「有無搞錯呀，book左今晚7點，你到而家當日1點幾先同我講無位，要我改去成1個半鐘之後？

由入座開始已經感到不妥，安排的座位旁邊是一張地氈，感覺不衞生；坐下不夠5分鐘，發現冷氣機滴水，我相信不是今天先有，店員應該知道，經過提出轉往安排對面坐位 (一張長枱劃分一半)。到叫飲品，相信店員是不諳清酒，因為連基本清酒的種類也介紹不到，只能說有氣及無氣，算吧！期待食物，叫了刺身拼盤，全條刺身魚切得像超市般厚切，其他刺身除了全條刺身魚及海膽較新鮮外，其餘的不太新鮮，或許我不應該在居酒屋叫刺身吧。另外，接受八點訂位，但入座時沒說明九點last order，刺身拼盤還未食完，已來埋單，算吧！立即叫熟食，玉子燒賣晒，於是叫其他串燒；到食物來到了，真的很嚇人，雞心及牛舌串燒未熟，雞軟骨串亦完全不似有燒過，雞腎則熟到咬不開，居酒屋有這個低質數真是難得一遇。說真的，我還是第一次寫食評，想不到第一次就是寫劣評。我還是奉勸有心試這間餐廳的朋友，不要遲過20:00去食，因為店員不會告訴你好多食物都沒有，也不知道師傅會不會因為趕收工而影響食物質素。當然，八點前我未試過，但相信不會再來，因此無可奉告。好好的一餐飯，心情完全被影響了！

好評何其多,專誠去光顧,失望而回刺身新鮮欠奉,熟食要是不熟,要麼熟到咬不開,從沒遇到這麼差勁的餐廳趕收工可以入座時先告訴客人,讓客人有預算開開心心的光顧,滿肚子的氣離開找不到理由推介已不說對環境及其他的驚訝及不惑希望負責人正視出品問題,做飲食的,至少要重視食物安全

係朋友推介下知道荃灣有間居酒屋午市套餐做梗買一送一優惠 見到咁抵食就即刻約朋友去試下 我地平日晏晝大約兩點鐘去到餐廳 餐廳門口設計得好令 好似日本啲居酒屋咁 再行去餐廳 完全係好似去左日本咁 設計得好令 仲有幾張枱係塌塌米 好有日本feel 餐廳唔算好大 但都幾舒服 望望午市套餐個餐牌 啲選擇多到我揀唔到 全部都想食 全部都想試 最後揀左個好多人都會叫既極上壽司定食 佢個定食係有前菜 沙律菜 茶碗蒸 湯烏冬同埋壽司 沙律菜好新鮮 茶碗蒸滑lulu 好嫩滑 湯烏冬細細碗 烏冬好彈牙 壽司係有十款 有兩款係有兩件相同 有三文魚 帶子 北寄貝 玉子 鰻魚 赤蝦 海膽 飛魚子 仲有一件唔知係咩魚 有兩件係卷物 佢地既壽司飯全部都係細細舊 而上面既刺身全部都係大大舊好肥美 食落好新鮮 另外仲叫左個安格斯西冷牛扒定食 個定食係有前菜 麵豉湯 白飯同埋西冷牛扒 就咁睇個西冷牛扒好似好薄身咁 但其實食落去啲肉係好嫩好淋 最好食係個醬汁 食落甜甜地 配埋西冷牛扒好好味整體黎講 餐廳環境好令好舒服 食物幾高質 價錢仺理 好平好抵食 店員服務態度好好 值得一試

早一日已經網上訂咗位，到當日早半小時才通知冇留到枱俾我！仲要問可否延後45分鐘，才有枱比到我！！！依家天氣咁熱！！我帶住個小朋友喺條街點等多45分鐘呢！咁就已經唔係網上預約啦！冇諗過咁樣嘅服務態度！！！！！！本身見佢評分唔錯想試吓！就係驚佢多人先訂位！但係如果訂咗位都冇位俾人,仲要咁遲先通知冇位的話！！唔知佢整個網上訂枱喺咩用意！但係如果咁樣嘅態度又或者咁樣嘅工作方式！根本係浪費人哋嘅時間！！！！

六點到，全場無客，但是安排你坐最近廁所既位，空間勁細，坐到貼背都只係岩岩坐到pat pat 位，個位既長度得手掌咁長叫人點坐 ，我係全場第一枱客，要求換位但職員卻表示全場爆滿。食物一般唔太明白點解咁多好評，仲要圖文並茂，荃灣區同價錢應可以有更好選擇，坐低已經覺得伏左。Hospitality 唔合格，座位安排以致職員處理手法讓人非常不快，感覺只係外行人做飲食， 做生意搵錢咁就一定，但下下計到儘個人覺得太過份。

見佢做緊買一送一所以約埋朋友黎試試。午市套餐有好多款式既選擇，我揀左極上壽司定食，有碗細烏東。而前菜有沙律同埋茶碗蒸，個蒸蛋都幾滑溜溜。有10件壽司再加2件玉子，食曬成個Set超滿足。

花居酒屋很熱絡，人潮不斷，讓食客體驗到都市生活中難得的人情味，將城市人緊繃的神經頓時鬆弛下來，享受食物帶來的慰藉。花居酒屋的串燒每道都讓人很期待，紫蘇黑豚腩討人喜愛，紫蘇葉帶出黑豚腩的鮮味，吃起多外焦脆內細嫩，肉汁豐沛。火炙三文魚壽司切得很漂亮，三文魚尺寸大小相約，肉質鮮嫩，魚油豐富，炙燒過後油脂逼出，魚香十足，口感更棒。看看三文魚壽司色澤紋路，肥厚軟嫩，魚肉滑溜溜，甜鮮無比，三文魚壽司嚼沒幾下已下肚了，真的令人意猶未盡。除了三文魚壽司之外，我最推帆立貝壽司，細細咀嚼帆立貝，嚐得到濃濃的海味，可以滿足帆立貝愛好者的味蕾。壽司醋飯黏性剛好，不會一夾起就鬆散，亦不會過酸過甜。愛吃蟹卻不想剝殼那麼麻煩的話，蟹肉蟹膏軍艦完全能滿足你的嘴巴。蟹肉十分細緻，甜鮮盡在不言中，蟹膏濃郁味美，每口均來自大海的幸福。海膽壽司的殺傷力極強，看到橘黃的海膽，我的眼睛離不開它，濃腴綿密的海膽入口即化，已經非凡人可抵擋到它的魅力，海膽壽司太邪惡了。土佐豆腐外層炸到金黃薄脆，跟豆腐內部的嫩滑，形成強烈咬感對比。由於土佐豆腐極度燙口，所以吃時要注意，別燙到嘴巴。土佐豆腐搭配日式醬油，吃進嘴時不會感到油膩，並吃出本身的

今日收左工去左荃灣買野, 買完之後就去附近食晚餐, 經過見到有間細細居酒屋幾得意就入去試下! 入到餐廳完全係兩個感覺嚟, 入面擺左櫻花樹, 和服同好多日本風嘅擺設, 好有日本居酒屋feel!🌟皇帝蟹肉蟹籽沙律🦀🥗蟹肉同蟹籽份量幾多, 青瓜絲🥒口感爽脆!🌟中拖羅油脂甘香, 魚味濃郁🌟原味日本香川縣玉子燒玉子燒熱辣辣, 質感柔軟, 食落蛋香味濃帶點甜味!🌟雞泡魚干口感煙韌, 油脂清香, 甜甜地佐酒一流🍶!🌟甲羅燒蟹蓋有滿滿嘅蟹膏, 海膽, 蟹肉, 菇, 加入生鵪鶉蛋後燒熟, 入口軟綿綿, 蟹味十足, 配搭麵包一齊食, 更有層次感🌟天婦羅盛合🍤盛盒有海老, 茄子, 南瓜, 紫薯天婦羅, 炸粉唔厚幾香口 🌟三文魚茶漬飯🐟🍚茶漬飯味道清香, 三文魚質感油潤, 味道唔錯

之前曾經喺網上見過推介依間，環境感覺好舒服，食物質素都唔錯，所以今日同朋友行荃灣時來試一試入到去店舖唔算好大，不過個環境都算舒服，同埋好日式裝修，價錢唔算平，不過就試一試佢啦～我同朋友都工作壓力好大，所以食好少少，慰勞下自己，叫咗7樣嘢😂溏揚雞塊- 一嚟到已經聞到好香，熱辣辣，雞既質地都好滑，加上用沙律菜襯底，食落唔會好油👍🏾溏揚魷魚- 魷魚好特別，係一粒粒嘅形狀，一開始以為佢俾錯咗，不過食落真係魷魚，加埋沙律醬，好好食，好好咬口，值得一試👍🏾玉子芝士燒- 見到好多人都試，所以一定要試一試，佢中間啲芝士可以拉絲，好正～加埋少少沙律醬真係冇得輸👍🏾如果是明太子嘅話，可能更加好食，不過因為朋友唔識明太子，所以冇嗌到，下次你可以再試一試海鰻牛油果卷物- 冇諗過牛油果可以做壽司，加埋醬料同面頭既海鰻，係一個好新嘅嘗試，都係唔錯嘅選擇炒雜菜- 呢個不過不失，同埋幾大碟，食少少蔬菜令飲食更均衡😂天婦羅盛盒- 有天婦羅蝦、茄子、冬菇、南瓜、青椒，好多天婦羅嘅組合，如果鍾意天婦羅可以試一試，都唔錯海膽松葉蟹黑松露蒜汁炒飯- 呢個一定要試一試，好多人推介，炒得真係好香，上邊有海膽，加埋蟹肉，喺飯中間亦都

很久沒有去旅行了！我和友人晚上約7點到了這間餐廳，餐廳門口不顯眼，經過了也不會發覺！餐廳裝修別緻，有很多櫻花和其他日本裝飾品，食完飯又當自己去了日本旅行了😂😂！我們點了三文魚、甜蝦、松葉蟹肉、帆立貝等等的壽司！壽司溫度是室溫，味道不錯！另外，我們點了鰻魚玉子燒，很推介！玉子燒是即叫即整，很夠熱！上面有一些紫菜、芝麻等等的配料，增加了甜美及紫菜香味！我們還點了三文魚茶漬飯，個湯清清甜甜，味道不錯！