影片
更多
2008-07-10
27 浏览
今日星期四系咪咪既妈妈放假，咪咪就同爸爸妈妈黎左德福既美心皇宫酒楼饮下午茶，爸爸妈妈下昼大约一点半后去排队等位，咪咪大约两点多少少到达，咁岩下一张台就到我地。在场所见真系好多人排队，唔知点解人人都好得闲咁可以黎饮下午茶，而原本系酒楼隔离既美心集团 Canteen 已经执左，而美心皇宫会扩大酒楼范围，希望第时排队既情况有所改善啦！我地坐低之后，一如以往都要周围睇点心车，因为美心一向都系推点心车，只系有少量既点心用点心纸剔，而因为我地坐左系几张台既中间，唔近点心车走廊，所以要特别留心经过既点心车！以下系我地所点既点心：1）水晶虾饺皇（$26）：咪咪等左一阵先食，所以个皮有点韧，但系入面既虾就好好味。2）虾籽烧卖皇（大点）：美心既烧卖系有只虾系个面度既，味道都唔错，热辣辣。3）干蒸牛肉卖（大点）：唔知点解干蒸牛肉都要大点，不过几好食，有肉汁又唔会干争争。4）叉烧肠粉（肠粉点）：见到肠粉车既时候净系得番牛肉肠粉、叉烧肠粉同罗汉斋肠粉，叫阿姐牛肉肠丫唔该，佢话岩岩卖晒，唯有食叉烧肠啦。佢拎到埋黎个阵已经落晒「唔驶钱咁」既豉油，妈妈皱晒眉，咪咪就觉得味道一般。5）鸡丝炸春卷（小点）：以小点黎讲，分
我地坐低之后，一如以往都要周围睇点心车，因为美心一向都系推点心车，只系有少量既点心用点心纸剔，而因为我地坐左系几张台既中间，唔近点心车走廊，所以要特别留心经过既点心车！
以下系我地所点既点心：
1）水晶虾饺皇（$26）：咪咪等左一阵先食，所以个皮有点韧，但系入面既虾就好好味。
2）虾籽烧卖皇（大点）：美心既烧卖系有只虾系个面度既，味道都唔错，热辣辣。
3）干蒸牛肉卖（大点）：唔知点解干蒸牛肉都要大点，不过几好食，有肉汁又唔会干争争。
4）叉烧肠粉（肠粉点）：见到肠粉车既时候净系得番牛肉肠粉、叉烧肠粉同罗汉斋肠粉，叫阿姐牛肉肠丫唔该，佢话岩岩卖晒，唯有食叉烧肠啦。佢拎到埋黎个阵已经落晒「唔驶钱咁」既豉油，妈妈皱晒眉，咪咪就觉得味道一般。
5）鸡丝炸春卷（小点）：以小点黎讲，分量都几多，算系几大条，入面既料都唔失礼，个皮够脆！
6）豆沙包（小点）：系特价点心，有其他包类拣，我地就试下呢个，味道就似一个中式面包入面有固体红豆沙一样，咪咪觉得奶皇包会好味啲～
7）鱼汤鲜竹卷（大点）：第一次试，味道都唔错，个鱼汤其实唔系好浓味，不过鲜竹卷浸过汤黎食梗系会好味啲架啦！同埋平时好少见到呢个点心架！
8）凤爪排骨盅饭（顶点）：哗，好耐无见到盅饭啦，入座个阵一见到架点心车，咪咪已经急不及待要点喇！我地既习惯系唔落豉油，因为饭本身都有油，亦都有凤八排骨味。呢个饭由咪咪同妈妈包办晒，咪咪觉得好好味，排骨好入味！真系好钟意食盅饭啊～～
埋单大约 $183，系美心黎讲算系咁啦，食饱饱！
张贴