一鳴屋台料理

营业中

休息中

同朋友一齐经过一鸣拉面，见到佢有新餐牌，竟然有刺身丼，真系估唔到。附近有得食鱼生丼嘅地方唔多，见到好似几吸引就入去食个晚餐。一鸣创作酱炸鸡🍗炸鸡keep到水准，大件又juicy，配埋个酱好好食。赤辛 - 秘制地狱酱猪骨汤底🍜虽然呢个系辣嘅拉面，但因为有得拣唐辛酱嘅份量，所以我哋今次食呢个属于小辣程度。汤底好香浓，挂汤嘅面条好正，好快就食晒成碗。炙烧左口鱼边丼定食🍱卖相好精致，好吸引，上面有只生嘅鹌鹑蛋，好得意。左口鱼份量都唔少，烧过后好香，油脂好重，入口即溶。饭醋味好重，好啱我胃口。除咗个饭，定食配有前菜，面豉汤同甜点。前菜系笋，好入味，又爽口。