101肉燥飯專門店 (厚福街) (已結業)

台式餐厅晚餐竟然有沙律，岩晒女士或低碳人士们！沙律有三款拣，而我就拣左麻酱手撕鸡！有菜有肉～一上菜时无谂过系咁大碗！超大份量！满满一大碗，而且鸡肉都好多！沙律菜同其他材料都新鲜爽口～配上少少麻辣既芝麻酱非常惹味食完一碗真系好饱！！而且价钱唔贵，仲包饮品！至于男朋友点既三杯鸡面就差少少，凉拌青瓜正常～青瓜爽口！但一个套有小食有主食有野饮都算系平！系尖沙咀晚市来讲系非常抵食～至于饮品点咗蜂蜜绿茶，但偏甜。柑桔柠檬就好酸～两杯可以混一齐拎个平衡环境都干净整齐，店员服务态度都好好～重点系黄色店！！！💛💛💛